ތުޅާދޫގައި 30 އެނދުގެ ހޮސްޕިޓަލެއް އިމާރާތްކުރަން ހަވާލުކޮށްފި
މި މަސައްކަތް ހަވާލުކޮށްފައިވަނީ އެމްޓީސީސީއާ
ތުޅާދޫ އައު ހޮސްޕިޓަލުގެ ކުރެހުމެއް
ބ. ތުޅާދޫގައި އައު ހޮސްޕިޓަލެއް އިމާރާތްކުރުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮންޕެނީ (އެމްޓީސީސީ)އާ ހަވާލުކޮށްފިއެވެ.
އެމްޓީސީސީއާ މި މަސައްކަތް ހަވާލުކޮށްފައިވަނީ މިނިސްޓްރީ އޮފް ހެލްތުންނެވެ.
އެގޮތުން ހެލްތު މިނިސްޓްރީން އެމްޓީސީސީއާ ހަވާލުކޮށްފައިވަނީ އެރަށުގައި 30 އެނދުގެ ޖާގައިގެ ހޮސްޕިޓަލެއް އިމާރާތްކުރުމަށެވެ. މި މަސައްކަތް އެމްޓީސީސީއާ ހަވާލުކޮށްފައިވަނީ 123،667،047.03 (ސަތޭކަ ތޭވީސް މިލިއަން ހަލައްކަ ފަސްދޮޅަސްހަތްހާސް ސާޅީސް ހަތްރުފިޔާ ތިން ލާރި) އަށެވެ.
މި މަސައްކަތް 540 ދުވަހުގެ ތެރޭގައި ނިންމަންޖެހެއެވެ.
އަތޮޅުތެރޭގެ ރަށްރަށުގެ ސިއްހީ ނިޒާމު ހަރުދަނާކުރުމަށް، ރަނގަޅު ޚިދުމަތްތަކެއް ލިބޭ ފެންވަރުގެ، 30 އެނދުގެ ހޮސްޕިޓަލުތަކެއް ރާއްޖޭގެ 15 ރަށެއްގައި ތަރައްގީކުރުމަށް ސަރުކާރުން ދަނީ މަސައްކަތްކުރަމުންނެވެ.
