ރައީސް ޞާލިހު ވޯޓް ލައްވައިފި
ރައީސް ވޯޓް ލެއްވީ އިސްކަރުންދަރު ސްކޫލުގައި ހުރި ވޯޓް ފޮއްޓަށް
ރައީސް އިބްރާހިމް މުޙައްމަދު ޞާލިހު ވޯޓް ލެއްވުން
ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ރިޔާސީ ޕްރައިމަރީގައި ވޯޓް ލައްވައިފިއެވެ.
އެމަނިކުފާނު ވޯޓް ލައްވާފައިވަނީ ހޮނިހިރު ދުވަހުގެ ހެނދުނު އިސްކަރުންދަރު ސްކޫލުގައި ހުރި ވޯޓް ފޮއްޓަށެވެ. ވޯޓް ލެއްވެވުމަށް އެމަނިކުފާނު ވަނީ ނޫސްވެރިންނާއި ބައްދަލު ކުރައްވާ ވާހަކަފުޅު ދައްކަވާފައެވެ.
އެގޮތުން ރައީސް ވިދާޅުވީ މި ޕްރައިމަރީއަކީ ރާއްޖޭގެ ޑިމޮކްރޮސީގެ ހަޔާތުގައި މުޅިން އައު މަންޒަރުތަކެއް ފެނިގެންދާނެ ދުވަހަކަށް ކަމަށެވެ. މި އިންތިޚާބު ނިމިގެންދާއިރު ހިތްހަމަޖެހޭ މަންޒަރުތަކެއް ފެނިގެން ދިޔުމަކީ އުންމީދު ކަމަށް ވެސް ވިދާޅުވިއެވެ.
ރައީސް އިތުރަށް ވިދާޅުވީ އެމްޑީޕީ އެކީގައި ކުރިއަށް އޮތް ރިޔާސީ އިންތިޚާބަށް މަސައްކަތް އަލުން ފަަށައިގަންނާނެކަން ޔަޤީން ކަމަށެވެ.
މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ރިޔާސީ ޕްރައިމަރީ އިންތިޚާބުގެ ވޯޓުލުން ފަށާފައިވަނީ ހޮނިހިރު ދުވަހުގެ ހެނދުނު 09:00 ޖެހިއިރުއެވެ.
