އެއް ކިލޯއަށް ވުރެ ގިނަ މަސްތުވާތަކެތި އެތެރެކުރަން އުޅުނު މީހަކު ހައްޔަރުކޮށްފި
29 ޖޫން 2017 | ބުރާސްފަތި 16:48އެ މީހާ ހައްޔަރުކުރީ ކާޑެއްދޫ އެއާޕޯޓުން
އެއްކިލޯއަށް ވުރެ ގިނަ މަސްތުވާތަކެތި އެތެރެކުރަން އުޅުނު މީހަކު ފުލުހުން ހައްޔަރުކޮށްފި
ވައިގެ މަގުން ރާއްޖެއަށް އެއްކިލޯއަށް ވުރެ ގިނަ މަސްތުވާތަކެތި އެތެރެކުރަން އުޅުނު މީހަކު ފުލުހުން ހައްޔަރުކޮށްފިއެވެ.
މި މައްސަލައާ ގުޅިގެން ފުލުހުން ހައްޔަރުކޮށްފައިވަނީ އުމުރުން 21 އަހަރުގެ ފިރިހެނެއް ކަމަށާއި އެ މީހާ ހައްޔަރުކޮށްފައިވަނީ ބުދަ ދުވަހުގެ ދަންވަރުގެ ވަގުތެއްގައި ކަމަށް ފުލުހުންގެ މީޑިއާ އޮފިޝަލް ވަނީ ވިދާޅުވެފައެވެ.
މި މީހާ ފުލުހުންގެ ބެލުމުގެ ދަށަށް ގެންގޮސްފައިވަނީ ގދ. ކާޑެއްދޫއިން ކަމަށް ފުލުހުން މައުލޫމާތުދެއެވެ.
ފުލުހުން ބުނީ މި މީހާގެ ބަންދަށް 15 ދުވަސް ގދ ތިނަދޫ މެޖިސްޓްރޭޓް ކޯޓުން ޖަހާއިފައިވާކަމަށެވެ.
މީގެ ހަފްތާއެއް ކުރިން ފުލުހުން ވަނީ މާފުށީ ޖަލަށް ގިނަ އަދަދެއްގެ ފޯނާއި މަސްތުވާތަކެތި ވައްދަން އުޅުނު މީހަކު ވެސް ހައްޔަރުކޮށްފައެވެ.
