ކ. މާލެ
|
15 ޖެނުއަރީ 2023 | އާދީއްތަ 15:36
ބަރަބޯ އޮށް
ބަރަބޯ އޮށް
ހެލްތްލައިން
ބަރަބޯ އޮށް
ބަރަބޯ އޮށުގެ ފައިދާ
 
ބޭސްވެރިކަމުގެ އެކި ބޭނުންތަކަށްވެސް ބަރަބޯ އޮށް ބޭނުންކުރޭ
 
ބަރަބޯ އޮށަކީ ކިޑްނީގައި ހިލަ އުފެދުމުންވެސް ދުރުކޮށްދޭ އެއްޗެއް
 
ބަރަބޯ އޮށަކީ މީރު، އަދި އެހާމެ ސިއްހީ ފައިދާ ގިނަ އެއްޗެއް

އެންމެ ފުރަތަމަ ބަރަބޯ އޮށް ހޯދީ މެކްސިކޯގެ ހޮހޮޅަތަކުގެ ތެރެއިން, މީގެ އެތައް ޒަމާނެއް ކުރިންނެވެ. ބަރަބޯ އޮށުގެ ކޮންމެ 100 ގްރާމެއްގައި 559 ކެލޮރީ ހުރެއެވެ.

ބަރަބޯ އޮށަކީ މީރު، އަދި އެހާމެ ސިއްހީ ފައިދާ ގިނަ އެއްޗެކެވެ. އެގޮތުން ރޭގަނޑު އަރާމު ނިދި ލިބިގަތުމަށް ބޭނުންވާ ހޯމޯން ހަށިގަނޑުގެ ތެރޭގައި އުފެއްދުމަށް ބަރަބޯ އޮށުން މަގުފަހި ކޮށްދެއެވެ.

އޭގެ އިތުރުން، ބަރަބޯ އޮށަކީ ކިޑްނީގައި ހިލަ އުފެދުމުންވެސް ދުރުކޮށްދޭ އެއްޗެއްކަމަށް ދިރާސާތަކުން ދައްކައެވެ.

ބައެއް ގައުމުތަކުގައި ފަނީބޭހެއްގެ ގޮތުގައިވެސް ބަރަބޯ އޮށް ކައިއުޅެއެވެ.

އެމެރިކާއާއި އިންޑިއާ މީހުންވެސް ކާބަފައިންގެ ޒަމާނުއްސުރެ ބަރަބޯ އޮށް ކެއުމުގައި ބޭނުން ކުރަމުން އައިސްފައިވާއިރު، އެމީހުން ވަނީ ބޭސްވެރިކަމުގެ އެކި ބޭނުންތަކަށްވެސް ބަރަބޯ އޮށް ބޭނުންކުރާނެ ގޮތްތައް ހޯދާފައެވެ.

ބަރަބޯ އޮށަކީ އޭގައި ނުހަނު ގިނަ މިނަރަލްސްވެސް އެކުލެވޭ އެއްޗެކެވެ. އެގޮތުން ފޮސްފަރަސް، މެގްނީޝިއަމް، މެންގަނީސް، ޒިންކް، އަޔަން އަދި ކޮޕަރ ފަދަ މިނަރަލްތަކުގެ އިތުރުން، ބަރަބޯ އޮށުން "ވިޓަމިން ކޭ" ވެސް ހަށިގަނޑަށް ލިއްބައިދެއެވެ.

ބަރަބޯ އޮށުގައި ހިމެނޭ ނިއުޓްރިޝަންގެ ސަބަބުން ޒުވާންކަން މަތީގައި ދެމިހުރުމަށްވެސް އެހީއަކަށްވެދެއެވެ. އެގޮތުން ގިނަ ދުވަސްވާ ވަރަކަށް ނިއުޓްރިޝަން ހިމެނޭ މިންވަރު މަތިވާ ކާނާތަކުގެ ތެރޭގައި ބަރަބޯ އޮށް ހިމެނެއެވެ.

ދިރާސާތަކުން ދައްކާ ގޮތުގައި ބަރަބޯ އޮށް 5 މަހަށްވުރެ ގިނަ ދުވަހު ރައްކާކޮށްފައި ބެހެއްޓިނަމަވެސް، އޭގެ ނިއުޓްރިޝަން މިންވަރު ދުވަހެއް ދުވަހަކަށް ދާނީ މަތިވަމުންނެވެ.

ކެއުމުގައި އެކި ގޮތްގޮތަށް ބަރަބޯ އޮށް ބޭނުންކުރާއިރު، ދިވެހިންގެ ތެރޭގައިވެސް މިއީ މަގުބޫލު އެއްޗެކެވެ. ވަކިން ޚާއްސަކޮށް ހަނާކުރި ބަރަބޯ އޮށެވެ.

އޭގެ އިތުރުން، އިރުމަތީ އެމެރިކާއާއި މެކްސިކޯގެ އިތުރުން، ގަދީމީ ގްރީސްގެ ކެއުންތަކުގައިވެސް ބަރަބޯ އޮށް މުހިއްމު ރޯލެއް އަދާ ކުރެއެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން
ރިވިއު ކުރީ: އައިޝަތު ރިޔާޒް
0%
0%
0%
57%
14%
29%
ކޮމެންޓް