ދުވަހަކު ވެސް ފިލްމް ކުޅުން ހުއްޓާލާނެހެން ހިޔެއް ނުވޭ: ޝާހްރުކް ޚާން

ދުވަހަކު ވެސް ރިޓަޔާވާނެ ހެނެއް ހިއެއް ނުވާ ކަމަށް ބޮލީވުޑްގެ މަޝްހޫރު ތަރި ޝާހުރުކް ޚާން ބުނެފިއެވެ.

އޭނާ މިހެން ބުނީ އޭނާ ބޮލީވުޑްގައި އެކްޓުކުރަން ފެށިތާ 25 އަހަރު ފުރުމާ ގުޅިގެން އެކާމާ ގުޅޭ ގޮތުން ވާހަކަ ދައްކަމުންނެވެ. ޝާހު ބުނީ އެކްޓުކުރުމަކީ ދިރިއުޅުމާ ގުޅިފައިވާ ކަމެއް ކަމަށާއި އެހެންކަމުން ދުވަހަކު ވެސް އޭނާ އެކްޓުކުރުމާ ދުރަށް ދާނެހެން ހީ ނުވާ ކަމަށެވެ.

އެހެން ކަމުން ފިލްމީ ދާއިރާގައި އޭނާ ކިތަންމެ ގިނަ ދުވަސްވީ ކަމުގައި ވީނަމަވެސް ރިޓަޔާވާނެހެން ހީނުވާ ކަމަށް ޝާހު ބުންޏެވެ.

ޝާހުބުނީ އޭނާ އެކްޓު ކުރަން ފެށިތާ 25 އަހަރުވެފައި ވީނަމަވެސް އަބަދުވެސް އާކަންތައްތައް އޭނާގެ ކެރިއަރުގައި ދަސްކުރަން ބޭނުންވާ ކަމަށެވެ.

ޝާހުރުކް ޚާން އޭނާގެ ފިލްމީ ހަޔާތް ފަށާފައި ވަނީ 1992 ވަނަ އަހަރުއެވެ. މިހާތަނަށް އޭނާ ކުޅެފައިވާ 80 ފިލްމުން ކާމިޔާބު ލިބިފައިވާ ފިލްމުތަކުގެ ތެރޭގައ"ޑަރް" (1993)، "ބާޒީގަރް" (1993)، "ދިލްވާލޭ ދުލްހަނިޔާ ލޭޖާއިގޭ" (1993)، "ބާޒީގަރް" (1993)، "ދިލްތޯ ޕާގަލްހޭ" (1997)، "ކުޗް ކުޗް ހޯތާހޭ، (1998)، "ކަބީ ޚުޝީ ކަބީ ގަމް" (2001) ހިމެނެއެވެ. އަދި މީގެ އިތުރުން "މައިނޭމް އިޒް ޚާން" (2010)، "ޗެންނާއީ އެކްސްޕްރެސް" (2013) އަކީ ޝާހު ކުޅެފައިވާ ކާމިޔާބު ފިލްމުތަކުގެ ތެރޭގައި ހިމެނޭ ފިލްމެވެ.