ރާއްޖެ
ދެ މީހުން ގެއްލުން
ގެއްލިގެން ހޯދަމުންދާ ދެމީހުންގެ ތެރެއިން އެކަކު ފެނިއްޖެ
ފެނިފައިވަނީ ގދ. ތިނަދޫ، މަނާރު، 45 އަހަރުގެ މުހައްމަދު ނިޡާމް
ތޯހިރާ އަޒްހާރް, ރާއްޖެ އެމްވީ | 3 ޖެނުއަރީ 2023 | އަންގާރަ 08:04
ގެއްލިގެން ހޯދަމުންދާ ދެ މީހުން
ޑިސެމްބަރު 29 ވަނަ ދުވަހުން ފެށިގެން ގެއްލިގެން ހޯދަމުންދާ ދެމީހުންގެ ތެރެއިން އެކަކު ފެނިއްޖެއެވެ.
ފުލުހުން ބުނީ ފެނިފައިވަނީ ގދ. ތިނަދޫ، މަނާރު، 45 އަހަރުގެ މުހައްމަދު ނިޡާމް ކަމަށެވެ. އޭނާ ފެނިފައިވަނީ މާލޭ ގެސްޓްހައުސްއަކުންނެވެ. އޭނާގެ ހާލު ރަނގަޅު ކަމަށް ފުލުހުން ބުނެފައިވެއެވެ.
އެހެންނަމަވެސް ގެއްލިގެން ހޯދަމުންދާ ބަނގްލަދޭޝް ރައްޔިތެއް ކަމުގައިވާ 35 އަހަރުގެ މުހައްމަދު ލިޓަން އަދިވެސް ފެނިފައެއް ނުވެއެވެ.
މި ދެމީހުންގެ ފޮޓޯއާއެކު ސޯޝަލް މީޑިއާގައި ފުލުހުން އާންމުކުރި މައުލޫމާތުގައިވާގޮތުން މިއީ ޑިސެމްބަރު 28 ވަނަ ދުވަހުގެ ރޭ ވިލިމާލެއިން ތެޔޮ ބޯޓެއްގައި ފުރި ދެ މީހުންނެވެ. ފުލުހުން ވަނީ މި މީހުން ހޯދުމަށް އާންމުންގެ އެހީއަށް އެދިފައެވެ.
