ކޯލޯ މުއާނީ ހޯދުމަށް ޔުނައިޓެޑާއި ބަޔާނުން މަސައްކަތް ކުރަނީ
އޭނާ ހޯދުމަށް ޔުނައިޓެޑުން އޮތީ 60 މިލިއަން ޔޫރޯ ޚަރަދު ކުރުމަށް ތައްޔާރަށް
ފްރާންސްގެ ކޯލޯ މުއާނީ
ފްރާންސްގެ ޒުވާން ފޯވާޑް ރަންޑަލް ކޯލޯ މުއާނީ ހޯދުމަށް ޕްރިމިއާ ލީގުގެ މެންޗެސްޓަރ ޔުނައިޓެޑާއި، ޖަރުމަނު ލީގުގެ ބަޔާން މިއުނިކުން ޝައުޤުވެރިވާ ކަމަށް މީޑިއާ ރިޕޯޓުތައް ބުނެފި އެވެ.
މިދިޔަ އަހަރުގެ ޑިސެމްބަރު ޤަތަރުގައި ނިމުނު ފީފާ ވޯލްޑް ކަޕްގައި ކޯލޯ މުއާނީ ވަނީ ފްރާންސްގައި މޮޅު ކުޅުމެއް ދައްކައިފަ އެވެ. އެއާއެކު ޔޫރަޕުގެ ބޮޑެތި ކުލަބުތަކުން އޭނާ ހޯދުމަށް ލޯ އަޅާނެ ކަމަށް އޮތީ ބެލެވިފަ އެވެ. ރިޕޯޓުތައް ބުނާ ގޮތުގައި ކޯލޯ މުއާނީ ހޯދުމަށް ޔުނައިޓެޑުން އަންނަނީ މަސައްކަތް ކުރަމުންނެވެ. އަދި އޭނާ ހޯދުމަށް އެ ކުލަބުން އޮތީ 60 މިލިއަން ޔޫރޯ ޚަރަދު ކުރުމަށް ވެސް ތައްޔާރަށް ކަމަށް ރިޕޯޓުތަކުގައިވެ އެވެ. ނަމަވެސް މިހާރު ވެސް ޖަރުމަނު ލީގުގައި ކުޅެމުން އަންނަ ކޯލޯ މުއާނީ ބޭނުންވަނީ އެ ލީގުގައި ކުޅެން ކަމަށް ރިޕޯޓުތައް ބުނެ އެވެ. އެހެންކަމުން ބަޔާނުން އޭނާ ހޯދުމަށް މަސައްކަތް ކުރާއިރު، ކުލަބު ބަދަލުވާނަމަ އެ ދިޔުން ގާތީ ބަޔާނަށް ކަމަށް ރިޕޯޓުތައް ބުނެ އެވެ.
ނަމަވެސް މި ކަމުގައި ޔުނައިޓެޑާއި ބަޔާނުން މިހާތަނަށް ރަސްމީ އެއްޗެެއް ބުނެފައެއް ނުވެ އެވެ. ރިޕޯޓުތައް ބުނާ ގޮތުން ކޯލޯ މުއާނީ ހޯދުމަށް ކުލަބުތަކުން ބޭނުންވި ނަމަވެސް، އޭނާ މިހާރު ކުޅެމުން އަންނަ ފްރެންކްފާޓުން އޭނާ ދޫކޮށްނުލާނެ ކަމަށް ރިޕޯޓުތަކުގައިވެ އެވެ. ކޯލޯ މުއާނީ ވަނީ މި ސީޒަނުގައި ފްރެންކްފާޓަށް ކުޅެދިން 23 މެޗުން އަށް ލަނޑު ޖަހާފަ އެވެ.
