ކ. މާލެ
|
28 ޖޫން 2017 | ބުދަ 12:26
ތެލަގޫ ތަރި ޕްރަބާޝް
ތެލަގޫ ތަރި ޕްރަބާޝް
ގޫގުލް
ޕްރަބާސް
ޕްރަބާސް ބޮލީވުޑަށް!
 
ޕްރަބާސް ބޮލީވުޑަށް އަންނާނީ "ޚާމޯޝީ" އިން

ތެލަގޫ ފިލްމު "ބާހުބަލީ" އިން މަޝްހޫރުވެގެން ދިޔަ ޕްރަބާސް ބޮލީވުޑުން ފެނިގެންދާނެ ކަމަށް ރިޕޯޓްތައް ބުނެފިއެވެ.

ޕްރަބާސްގެ މަޝްހޫރުކަން އިތުރުވެގެންދިޔައީ އޭނާ އެންމެ ފަހުން ކުޅުނު "ބާހުބަލީ"ގެ ދެ ފިލްމުންނެވެ. ފުރަތަމަ ބަޔަށް ވުރެ ވެސް ދެ ވަނަ ބައިން އޭނާގެ ވިދުން ގަދަވިއެވެ.

ޕްރަބާސްގެ މަގުބޫލުކަން ބޮލީވުޑްގައި ވެސް ވަނީ އިތުރުވެފައެވެ.

ޕްރަބާސްއާ ބެހޭ ގޮތުން އެންމެ ފަހުން އިވުނު އަޑަކީ ބޮލީވުޑްގެ ފިލްމަކުން އޭނާ ފެންނާނެކަމެވެ. އެއީ ހިންދީ ފިލްމު "ޚާމޯޝީ" ގެ މަންޒަރަކުން ކަމަށް ރިޕޯޓްތައް ބުނެއެވެ. މި ފިލްމުގައި ލީޑް ރޯލުން ފެނިގެންދާނީ ޕްރަބާސްއާ އެކު "ބާހްބަލީ"، "ބާހްބަލީ 2" ކުޅުނު ތަމަންނާ ބާޓިއާއެވެ. ތަމަންނާއަކީ ހިންދީ، ތަމަޅަ، އަދި ތެލުގޫ ފިލްމު ކުޅޭ އެކްޓްރެސްއެކެވެ.

އަޑުތައް ފެތުރިފައިވާ ގޮތުގައި "ޚާމޯޝީ" ގައި ޕްރަބާސް ފެންނާނީ ޚާއްސަ މަންޒަރަކުންނެވެ. ނަމަވެސް އެއީ ކޮންމަންޒަރެއް ކަމެއް ނޭނގޭ ކަމަށެވެ.  

ޕްރަބާސް "ޚާމޯޝީ" އިން ފެންނާނެ ކަމަށް ބުނަން އެ ފިލްމުގެ ޕްރޮޑިއުސަރ ވަޝޫ ބަގްނާނީ ވަނީ އިންކާރުކޮށްފައެވެ. އޭނާ ބުނެފައިވަނީ އެކަމާ ދޭތެރޭ އެއްވެސް އެއްޗެއް ބުނަން ބޭނުން ނޫން ކަމަށާއި އެ ފިލްމު ބެލުމަށް އިންތިޒާރުގައި ތިބުމަށް އެދޭ ކަމަށެވެ. އަދި ފިލްމުގެ ޝޫޓިން ނިމެން މިހާރު 4 ވަރަކަށް ދުވަސް ވެފައިވާ ކަމަށާއި މިހާތަނަށް "ޚާމޯޝީ"އާ ބެހޭ ގޮތުން ބުނަން ބޭނުންވާ ވަރަށް މައުލޫމާތު ހާމަކޮށްފައިވާ ކަމަށް ވަޝޫ ބަގްނާނީ ބުނެފައި ވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް