ނިމިދިޔަ ޑިސެމްބަރު މަހު ޕެންޝަންގެ ގޮތުގައި 136 މިލިއަނަށްވުރެ ގިނަ ރުފިޔާ ދޫކޮށްފައިވާކަމަށް ޕެންޝަން އޮފީހުން ހާމަކޮށްފިއެވެ.

ޕެންޝަން އޮފީހުން އާންމުކޮށްފައިވާ ތަފާސްހިސާބުތައް ދައްކާގޮތުން ނިމިދިޔަ ޑިސެމްބަރު މަހު 4 ކެޓެގަރީއަކުން ފައިސާ ދޫކޮށްފައިވެއެވެ. ޖުމްލަ 29،542 މީހުންނަށް 136 މިލިއަނަށްވުރެ ގިނަ ރުފިޔާ ދޫކޮށްފައިވާކަމަށް އެ އޮފީހުން ހާމަކޮށްފައިވެއެވެ.

މިގޮތުން ރިޓަޔަރމެންޓް ޕެންޝަން 1،646 މީހަކަށް ދޫކޮށްފައިވެއެވެ. އެމީހުންނަށް ޖުމްލަ 8 މިލިއަނަށްވުރެ ގިނަ ރުފިޔާ ދޫކޮށްފައިވާކަމަށް ޕެންޝަން އޮފީހުން ހާމަކޮށްފައިވެއެވެ. އަސާސީ ޕެންޝަން 2،594 މީހުންނަށް ދޫކޮށްފައިވާއިރު އެމީހުންނަށް ޖުމްލަ 97 މިލިއަނަށްވުރެ ގިނަ ރުފިޔާ ވަނީ ދޫކޮށްފައެވެ.

ދައުލަތުގެ ވަޒީފާތަކުން ރިޓަޔަރކުރާ ފަރާތްތަކަށް ދައުލަތުން ދޭ އިނާޔަތް 4،495 މީހަކަށް ދީފައިވެއެވެ. އެއީ 24 މިލިއަނަށްވުރެ ގިނަ ރުފިޔާކަމަށް ޕެންޝަން އޮފީހުން ހާމަކޮށްފައިވެއެވެ. މީގެ އިތުރުން 2،807 މީހުންނަށް ދައުލަތުގެ އެހެނިހެން ރިޓަޔަރމެންޓް އިނާޔަތް ދީފައިވެއެވެ. މި އިނާޔަތުގެ ގޮތުގައި 5 މިލިއަނަށްވުރެ ގިނަ ރުފިޔާ ވަނީ ދޫކޮށްފައެވެ.

މީގެ ތެރެއިން ރިޓަޔަރމެންޓް ޕެންޝަން ފިޔަވައި އެހެން ޕެންޝަނާއި އިނާޔަތްތަކަކީ ދައުލަތުގެ ބަޖެޓުން ޚަރަދުކޮށްގެން ދޭ ޕެންޝަނާއި އިނާޔަތްތަކެވެ.