މެލޭޝިޔާގެ ކޭމްޕް ސައިޓެއްގައި ހިނގި ބިންގަނޑު ކަނޑައިގެންދިއުމުގެ ހާދިސާގައި މަރުވި މީހުންގެ އަދަދު 24ށް އަރައިފިއެވެ.
މަޝްހޫރު ހިލް ސަރަހައްދުގައި ބިންގަނޑު ކަނޑައިގެން ގޮސްފައިވަނީ ޓެންޓްތަކުގައި މީހުން ނިދާފައި ތިއްބައެވެ. މަރުވި މީހުންގެ ތެރޭގައި ކުޑަ 7 ކުދިންވެސް ހިމެނެއެވެ.
މިހާދިސާގައި 94 މީހުން ތާށިވެފައިވާއިރު 61 މީހުން ވަނީ ސަލާމަތްކުރެވިފައެވެ. އަދިވެސް 9 މީހުން ނުފެނެއެވެ.
ބޯކޮށް ވާރޭވެހުމުގެ ސަބަބުން މީހުން ސަލާމަތްކުރުމުގެ އޮޕަރޭޝަނަށް ވަނީ މަޑުޖެހުމެއް އައިސްފައެވެ. މީހުން ސަލާމަތްކުރުމުގެ މަސައްކަތުގައި 135 މީހުންނާއި 7 ކުއްތާ ހަރަކާތްތެރިވެއެވެ.
