އާރްޓީއެލް ބަސްރޫޓަށް ބަދަލުތަކެއް
16 ޑިސެމްބަރު 2022 | ހުކުރު 17:46އިތުރު މައުލޫމާތު ބޭނުންވާ ނަމަ 1650 އަށް ގުޅުމަށް އެމްޓީސީސީ އިން އެދޭ
އާރްޓީއެލް ބަސް
އާރްޓީއެލް ބަސް މާލޭގައި ދުއްވާ ރޫޓްތަކަށް ބަދަލުގެނެސްފިއެވެ.
މާލޭގައި މޯލްޑިވިސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އިން ފޯރުކޮށްދެމުން އަންނަ ރޫޓުތަކަށް މި ބަދަލުގެނެސްފައި ވަނީ މާލޭ ވޯޓަރ އެންޑް ސްވަރޭޖް ކޮމްޕެނީ (އެމްޑަބްލިއުއެސްސީ) އިން މަޖީދީމަގުގައި ކުރަމުންދާ މަސައްކަތްތަކާއި ގުޅިގެން އެ މަގު ބަންދުކުރުމުން ކަމަށް އެމްޓީސީސީ އިން ބުނެއެވެ. އެމްޓީސީސީ އިން ބުނީ އާރްޓީއެލް މާލޭ ބަހުގައި ހިމެނޭ އޯކިޑް ރޫޓާއި އަމީނީ ރޫޓަށް ބަދަލު ގެނެސްފައިވާ ކަަމަށެވެ.
އެގޮތުން މަޖީދީމަގު ނަލަހިޔާ ސަރަހައްދުން ފެށިގެން ތޫމް ރެސްޓޯރެންޓް ސަރަހައްދާއި ހަމައަށް ބަސްތައް ދަތުރު ނުކުރާނެ ކަމަށް އެކުންފުނިން ވަނީ ބުނެފައެވެ. އަދި މަޖީދީ މަގު ހުޅުވުމުން އެ ދެ ރޫޓުގައި ކުރިއެކޭ އެއްގޮތަށް ދަތުރުކުރާނެ ކަމަށް އެ ކުންފުނިން ބުނެއެވެ. މިކަމާއި ގުޅޭ އިތުރު މައުލޫމާތު ބޭނުންވާ ނަމަ 1650 އަށް ގުޅުމަށް އެމްޓީސީސީ އިން ވަނީ އެދިފައެވެ.
