މާލޭގެ ވޯކްޝޮޕެއްގައި ރޯވެ މީހަކަށް އަނިޔާވެއްޖެއެވެ.
ފުލުހުން ބުނީ، ރަތްވިލާ މަގުގައި ހުރި ވޯކްޝޮޕެއްގައި އަލިފާނުގެ ހާދިސާއެއް ހިނގައިގެން އުޅޭކަމަށް ބުދަ ދުވަހުގެ ރޭ 20:46 އެހާއިރު ފުލުހުންނަށް ރިޕޯޓްކޮށްފައިވާކަމަށެވެ. އެ އަލިފާންގަނޑު މިހާރު އެއްކޮށް ނިއްވާފައިވާ ކަމަށްވެސް ފުލުހުން މައުލޫމާތު ދީފައި ވެއެވެ.
ފުލުހުން މައުލޫމާތު ދޭ ގޮތުގައި މި ހާދިސާގައި ދިވެހި ފިރިހެނަކަށް ވަނީ އަނިޔާވެފައެވެ. އޭނާއަށް އޭޑީކޭ ހޮސްޕިޓަލުގައި މިހާރު އަންނަނީ ފަރުވާދެމުންނެވެ.
އަލިފާނުގެ ހާދިސާއާއި ގުޅިގެން ބަލަންޖެހޭ ކަންކަން ބަލަމުން އަންނަކަމަށް ވެސް ފުލުހުން ބުނެފައި ވެއެވެ.
މާލޭގެ ވޯކްޝޮޕެއްގައި އަލިފާނުގެ ހާދިސާއެއް ހިނގާފައިވާއިރު ދާދި ފަހުން މާލޭގައި ހިންގަމުން އައި ގަރާޖެއްގައި އަލިފާން ރޯވެ، 10 މީހުން ވަނީ މަރުވެފައެވެ.
