ހުޅުމާލޭގައި ކާރެއް ފުރޮޅާލައި އެކްސިޑެންޓެއް ހިނގައިފި
13 ޑިސެމްބަރު 2022 | އަންގާރަ 02:11ކާރު ދުއްވަން އިނީ 45 އަހަރުގެ ދިވެހި ފިރިހެނެއް
ތޯހިރާ އަޒްހާރް | 13 ޑިސެމްބަރު 2022 | އަންގާރަ 02:11
ކާރެއް ފުރޮޅާލުން
ހުޅުމާލޭގައި ކާރެއް ފުރޮޅާލައި ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުން ބުނީ މި ހާދިސާ ހިނގާފައިވަނީ ހުޅުމާލެ އެމްޑަބްލިއުއެސްސީއާ ދިމާލުން ހައިވޭ ކައިރިން ކަމަށެވެ. މި ހާދިސާގެ މައުލޫމާތު ފުލުހުންނަށް ލިބިފައިވަނީ ހޯމަ ދުވަހުގެ ރޭ 22:30 އެހާއިރު ކަމަށް ފުލުހުން ބުނެއެވެ.
ފުލުހުން ބުނީ އެ ކާރު ދުއްވަން އިނީ 45 އަހަރުގެ ދިވެހި ފިރިހެނެއް ކަމަށެވެ. އެމީހާއަށް އަނިޔާވެފައިވާކަމަށާއި، އަދި ފަރުވާ ދިނުމަށް ހޮސްޕިޓަލަށް ގެންގޮސްފައިވާކަމަށް ފުލުހުން ބުނެއެވެ.
މި އެކްސިޑެންޓާ ގުޅިގެން ބަލަންޖެހޭކަންކަން ފުލުހުން ގެންދަނީ ބަލަމުންނެވެ.
