ގދ. ފަރެސްމާތޮޑާއިން ރައީސަށް ހޫނު މަރުހަބާއެއް
11 ޑިސެމްބަރު 2022 | އާދީއްތަ 10:11ރައީސުލްޖުމްހޫރިއްޔާ ފަރެސްމާތޮޑާއަށް ވަޑައިގަތުމުން އެރަށުގެ ގިނަ އަދަދެއްގެ ރައްޔިތުން ވަނީ އެމަނިކުފާނަށް މަރުހަބާ ދަންނަވާފައި
ގދ. ފަރެސްމާތޮޑާއިން ރައީސަށް މަރުހަބާ ދެންނެވުން
ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު، މަސްވެރިންގެ ދުވަސް ފާހަގަކުރުމުގެ ހަރަކާތްތަކުގައި ބައިވެރިވެވަޑައިގަތުމަށް ގދ. ފަރެސްމާތޮޑާއަށް ވަޑައިގަތުމުން އެރަށުން ހޫނު މަރުހަބާއެއް ދަންނަވައިފިއެވެ.
ރައީސުލްޖުމްހޫރިއްޔާ ފަރެސްމާތޮޑާއަށް ވަޑައިގަތުމުން އެރަށުގެ ގިނަ އަދަދެއްގެ ރައްޔިތުން ވަނީ އެމަނިކުފާނަށް މަރުހަބާ ދަންނަވާފައެވެ. އަދި އެމަނިކުފާނަށް މަރުހަބާ ދެންނެވުމަށް އެރަށުގެ ބަނދަރު ސަރަހައްދުގައި ވަނީ ޚާއްސަ ހުށަހެޅުމެއް ހުށަހަޅައިދީފައެވެ. އެ ހަރަކާތްތަކުގައި ސްކޫލް ދަރިވަރުންނާއި އެރަށުގެ ބައެއް އާއްމުން ވަނީ ބައިވެރިވެފައެވެ.
މަސްވެރިންގެ ދުވަހާ ގުޅިގެން ބާއްވާ ހަރަކާތްތަކުގެ ތެރޭގައި، ދުވަހާ ގުޅުވައިގެން ކުރިއަށްގެންދާ ފިޝަރީޒް އެކްސްޕޯއާއި މަސްކެނޑުމުގެ މުބާރާތް ފާހަގަކޮށްލެވެއެވެ.
