ކަނޑުދަތުރުފަތުރު ކުރުމުގައި ސަމާލު ވުމަށް އެމް.އެން.ޑީ.އެފް އިން އިލްތިމާސްކޮށްފި
ދަތުރުތައް ފެށުމުގެކުރިން މޫސުމާ ބެހޭ އެންމެ ފަހުގެ މަޢުލޫމާތު ހޯއްދެވުމަށް އެމް.އެން.ޑީ.އެފް އިން އިލްތިމާސްކުރި
ކަނޑު
މިދުވަސްވަރަކީ ފިޠުރު ޢީދުގެ ބަންދު ދުވަސްވަރަށްވުމާއެކު، ގިނަ އަދަދެއްގެ ބަޔަކު ކަނޑުމަގުން ދަތުރު ކުރާ ދުވަސްވަރެއްކަމުން،ކަނޑު ދަތުރުފަތުރު ކުރުމުގައި ހުރިހާ ފަރާތްތަކުންވެސް ކަނޑުމަތީގެ ސަލާމަތާއި ރައްކާތެރިކަމަށް އަޅަންޖެހޭ ހުރިހާ ފިޔަވަޅުތަކެއް އެޅުމަށް އެމްއެންޑީއެފް އިން ރައްޔިތުންނަށް އިލްތިމާސްކޮށްފިއެވެ.
ހުރިހާ ބޭފުޅުންވެސް ދަތުރުތައް ފެށުމުގެކުރިން މޫސުމާ ބެހޭ އެންމެ ފަހުގެ މަޢުލޫމާތު ހޯއްދެވުމަށާއި އުޅަނދުގެ ސަލާމަތާއި ރައްކާތެރިކަމަށްޓަކައި ހަމަކުރަންޖެހޭ އެންމެހައި ތަކެތި ހަމަކުރުމަށް އެމްއެންޑީއެފް އިން ބުނެފައިވެއެވެ. އަދި ދަތުރަށް ފެށުމުގެ ކުރިން މުވާސަލާތީ ހުރިހާ ވަސީލަތްތައް މަސައްކަތް ކުރޭތޯ ބެލުމަށް ޚާއްޞަ ސަމާލުކަމެއް ދިނުމަށްވެސް އެމްއެންޑީއެފް އިން ރައްޔިތުންނަށް އިލްތިމާސްކޮށްފައިވެއެވެ.
އުޅަނދުގައި އުފުލަން ހުއްދަ ދީފައިވާ މިންވަރަށްވުރެ އިތުރަށް މީހުން ނުއުފުލުމަށްވެސް އެމް.އެން.ޑީ.އެފް އިން އެދިފައިވެއެވެ.
މީގެ އިތުރުން ކަނޑުމަތީގެ ހާދިސާއެއް ހިނގައިފިނަމަ ލަސްނުކުރައްވާ އެމްއެންޑީއެފް ކޯސްޓްގާޑްގެ ހިލޭ ގުޅޭ ނަމްބަރާ ގުޅުއްވުމަށްވެސް އެދިފައިވެއެވެ.
