މއ. ޑުވެލިންގް ގޭގައި ރޯވި އަލިފާން ނިއްވާލައިފި

މއ. ޑުވެލިންގް ގޭގައި ރޯވި އަލިފާން އެމްއެންޑީއެފް ފަޔަރ އެންޑް ރެސްކިއު ސަރވިސްއިން ނިއްވާލައިފި އެވެ.

މިހާދިސާގައި އަލިފާން ރޯވެފައި ވަނީ މއ. ޑުވެލިންގް ގޭގެ ދެވަނަ ފަންގިފިލާގެ އެޕާޓްމަންޓެއްގައި އެނދެއްގައި އަޅާފައި އޮތް ގޮދަޑިއެއްގައެވެ.

މިހާދިސާ ހިނގަން މެދުވެރިވީ ކަރަންޓް ޝޯޓެއްގެ ވުމުގެ ސަބަބުން ކަމަށް އެމްއެންޑީއެފްއިން ބުންޏެވެ. މިހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.

މިހާދިސާގެ މަޢުލޫމާތު އެމްއެންޑީއެފަށް ލިބިފައިވަނީ ހޯމަ ދުވަހުގެ މެންދުރުފަހު 1:00 ހާއިރު ކަމަށާއި އެ ވަގުތުން ފެށިގެން އެމްއެންޑީއެފް ފަޔަރ އެންޑް ރެސްކިއު ސަރވިސް ހަރަކާތްތެރިވާން ފެށިކަމަށްވެސް އެ ފަރާތުން މައުލޫމާތު ދީފައިވެއެވެ.

މިގޮތުން ފަޔަރ ފައިޓަރުން އެގެއަށް ގޮސް ކުރި މަސައްކަތުން ރޯވެފައިވާ އަލިފާން ކުޑަ ވަގުތު ކޮޅެއްގެ ތެރޭގައި އެއްކޮށް ވަނީ ނިއްވާލާފައެވެ.