7 ރަށެއްގައި ހޮސްޕިޓަލު އިމާރާތްކުރާނެ ބަޔަކު ހޯދަން އަނެއްކާވެސް އިއުލާނުކޮށްފި
އިއުލާން ކޮށްފައިވަނީ 30 އެނދުގެ ހޮސްޕިޓަލްތައް އިމާރާތް ކުރުމަށް
ފިނޭންސް މިނިސްޓްރީ
ހަތް ރަށެއްގައި 30 އެނދުގެ ހޮސްޕިޓަލު އިމާރާތްކުރާނެ ބަޔަކު ހޯދުމަށް ފިނޭންސް މިނިސްޓްރީން އަނެއްކާވެސް އިއުލާނުކޮށްފިއެވެ.
ފިނޭންސް މިނިސްޓްރީން ނެރުނު އިއުލާނުގައި ބުނީ ކުވެއިތު ފަންޑް ފޯރ އަރަބް އިކޮނޮމިކް ޑިވެލޮޕްމަންޓް (ކޭ.އެފް.އޭ.އީ.ޑީ)ގެ އެހީގެ ދަށުން ސްޓްރެންތެނިންގ އޮފް ހެލްތު ސެކްޓަރު ޕްރޮޖެކްޓު ހިންގުމަށް ހަމަޖެހިފައިވާކަމަށެވެ. މިއިން ކޮންމެ ހޮސްޕިޓަލަކަށް ބިޑް ސެކިޔުރިޓީގެ ގޮތުގައި 35،000 އެމެރިކާ ޑޮލަރު ނުވަތަ އެއާ އެއްވަރުގެ އަދަދެއް ދިވެހި ރުފިޔާއިން ހުށަހަޅަންޖެހޭނެއެވެ.
30 އެނދުގެ ހޮސްޕިޓަލު އެޅުމަށް ހަމަޖެހިފައިވާ ރަށްތަކަކީ:
ފިނޭންސުން ކޮށްފައިވާ އިއުލާންގައި ބުނެފައިވަނީ މި މަސައްކަތަށް ޝަރުތުހަމަވާ ފަރާތެއް ހޯދުމުގެ ކަންތައް ކުރިޔަށް ގެންދެވޭނީ އިންޓަރނޭޝަނަލް ކޮމްޕެޓިޓިވް ބިޑިންގ (އައި.ސީ.ބީ) އުސޫލުގެ މަތިންނެވެ. ބީލަމުގައި ބައިވެރިވުމަށް 1500 ރުފިޔާގެ ނޮން-ރިފަންޑަބަލް ރަޖިސްޓްރޭޝަން ފީއެއް ދައްކަންޖެހޭނެއެވެ. ފައިސާ ބަލައިގަންނާނީ 28 ޑިސެމްބަރުގެ ނިޔަލަށް ބަންދު ނޫން ކޮންމެ ދުވަހެއްގެ 8:30 އިން 14:00 އަށް މިނިސްޓްރީގެ އޮންލައިން ޕޭމަންޓް ޕޯޓަލް - ބަނޑޭރި ޕޭ މެދުވެރި ކޮށެވެ.
ރާއްޖޭގެ އެކި ހޮސްޕިޓަލުތަކުގެ ޖާގަ އިތުރުކޮށް ސިއްހީ ދާއިރާގެ ފެންވަރު ރަނގަޅު ކުރުމަށް މި ސަރުކާރުން އަންނަނީ މަސައްކަތްތައް ކުރަމުންނެވެ. އެގޮތުން، ބައެއް ހޮސްޕިޓަލުތައް ޓާޝަރީ ފެންވަރަށް ތަރައްގީ ކުރުމަށް ވެސް ވަނީ ނިންމާފައެވެ.
