"ސްމާޓްކޮމް" އިން ޑިޖިޓަލް ޕްލެޓްފޯމްތަކަށް ހާއްސަކޮށްގެން ބާއްވާ ސްމާޓްކޮމް ފެއާ ބާއްވައިފި
އެ ފެއާގައި މީރާ، ދިރާގު، ޕެންޝަން އޮފީސް، ބޭންކް އޮފް މޯލްޑިވްސް، އާސަންދަ ކުންފުނި، އުރީދޫ، އަމާނާ ތަކަފުލް، މޯލްޑިވްސް ޕޯސްޓް ލިމިޓެޑް، މީޑިއާނެޓް، އާރުއޯއެލް، ފަދަ ފަރާތްތަކުން ވަނީ ބައިވެރިވެފަ
"ސްމާޓްކޮމް" އިން ޑިޖިޓަލް ޕްލެޓްފޯމްތަކަށް ހާއްސަކޮށްގެން ބާއްވާ ސްމާޓްކޮމް ފެއާ
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ސްމާޓް ސިޓީ ބްރޭންޑް, "ސްމާޓްކޮމް" އިން ޑިޖިޓަލް ޕްލެޓްފޯމްތަކަށް އަމާޒުކޮށްގެން ބާއްވާ "ސްމާޓްކޮމް ފެއާ" ބާއްވައިފިއެވެ. 27 ބައިވެރިންނާއިއެކު ކުރިޔަށް ދިޔަ ފެއާ، ހުކުރު ދުވަހު ހުޅުމާލޭ ސެންޓްރަލް ޕާކްގައި އޮތް ރަސްމިއްޔާތެއްގައި ފަށްޓަވާދެއްވާފައިވަނީ ދިރާގުގެ ސީއީއޯ އިސްމާއީލް ރަޝީދު އެވެ.
އެ ރަސްމިއްޔާތުގައި ވާހަކަދައްކަވަމުން ދިރާގުގެ ސީއީއޯ އިސްމާއީލް ރަޝީދު ވަނީ ސްމާޓް ސިޓީއެއްގެ ސަބަބުން ރައްޔިތުންނަށް ލިބިދޭ އެކި ހިދުމަތްތައް ލިބުމުގައި ފަސޭހަތައް ވެގެންދާ ކަމަށް ވިދާޅުވެފައެވެ. އަދި ދިރާގުން އަބަދުވެސް ރާއްޖެ ޑިޖިޓަލް ތަނަކަށް ހެދުމަށް މަސައްކަތްކުރާކަން ފާހަގަކުރައްވާފައި ވެއެވެ. އެގޮތުން ރާއްޖޭ 86 އިންސައްތަ ރަށްތަކަށް ފައިބަރ ބްރޮޑްބޭންޑްގެ ހިދުމަށް ދިރާގުން ފޯރުކޮށްދީފައިވާކަމަށް އޭނާ ވިދާޅުވިއެވެ.
ސްމާޓްކޮމް ފެއާ ބާއްވާފައި ވަނީ ހުކުރު ދުވަހުގެ ހަވީރު 16:00 އިން 18:00 އަށް އަދި ރޭގަނޑު 20:00 އިން 22:00 އަށް ހުޅުމާލޭ ސެންޓްރަލް ޕާކުގައެވެ. ފެއާގެ ތެރެއިން ތަފާތު އެކި ބްރޭންޑުގެ އެޕްލިކޭޝަންތަކާއި، ޑިޖިޓަލް ޕްލެޓްފޯމްތައް ބޭނުންކުރާގޮތުގެ މައުލޫމާތު ވަނީ ފޯރުކޮށްދީފައެވެ.
ސްމާޓްކޮމް ފެއާ ގައި މީރާ، ދިރާގު، ޕެންޝަން އޮފީސް، ބޭންކް އޮފް މޯލްޑިވްސް، އާސަންދަ ކުންފުނި، އުރީދޫ، އަމާނާ ތަކަފުލް، މޯލްޑިވްސް ޕޯސްޓް ލިމިޓެޑް، މީޑިއާނެޓް، އާރުއޯއެލް، ފަދަ ފަރާތްތަކުން ވަނީ ބައިވެރިވެފައެވެ.
