ކޮރެއާގެ ކޯޗު ބުނަނީ ކުޅެން ޖެހޭނީ އެމީހުންގެ ސްޓައިލްގައި ކަމަށް

ފީފާ ވޯލްޑް ކަޕް ގްރޫޕް ސްޓޭޖުގެ ފަހު މެޗުގައި ޕޯޗުގަލާ ދެކޮޅަށް ޖެހޭނީ ސައުތު ކޮރެއާގެ ސްޓައިލްގައި ކުޅެން ކަމަށް އެ ޓީމުގެ ކޯޗު ޕައުލޯ ބެންޓޯ ބުނެފިއެވެ.

އޭނާ މިހެން ބުނީ އެ މެޗުގެ ކުރިން އޮތް ޕްރެސް ކޮންފަރެންސްގައި ވާހަކަ ދައްކަމުންނެވެ. ބެންޓޯ ބުނީ ކޮރެއާ އިން ޖެހޭނީ އަމިއްލަ މިންގަނޑެއްގައި ކުޅުން ކުރިއަށް ގެންދަން ކަމަށެވެ. ޚާއްސަކޮށް ޕޯޗުގަލް ކަހަލަ ކޮލެޓީ ހައި ޓީމަކާ ދެކޮޅަށް ކުޅޭއިރު އެކަން ކަމަށް ސަމާލުވުމަކީ ވަރަށް މުހިންމު ކަމެއް ކަމަށް ބެންޓޯ ބުންޏެވެ. އޭނާ ބުނީ ޕޯޗުގަލްގެ ސްކޮޑަކީ ޓީމެއްގެ ގޮތުގައި ވެސް އަދި ވަކިވަކި ކުޅުންތެރިންގެ ގޮތުން ވެސް ވަރަށް ވަރުގަދަ ޓީމެއް ކަމަށެވެ. އަދި ތެދު ތެދަށް ބުނާނަމަ ކުރިމަތިލާން ޖެހެނީ ޕޯޗުގަލްގެ ތާރީޚުގައި އެންމެ ވަރުގަދަ ޓީމާ ކަމަށެވެ.

ބެންޓޯގެ އިތުރުން މި ޕްރެސްގައި ވާހަކަ ދައްކަމުން ކޮރެއާގެ ޑިފެންޑަރު ކިމް ޔޮން ގުއޯން ބުނީ، ޕޯޗުގަލް މެޗުގައި މޮޅު ކުޅުމެއް ދެއްކުމުގެ އިތުރުން، ނަސީބު ވެސް ބޭނުންވާ ކަމަށެވެ. އޭނާ ބުނީ މެޗުގައި އޭނާގެ މޮޅު ކުޅުން ދައްކައި، ޓީމަށް އުފާވެރިކަން ހޯދައިދޭން މަސައްކަތް ކުރާނެ ކަމަށެވެ. އަދި އެންމެ ފަހުން 2018 ވަނަ އަހަރުގެ މުބާރާތުގައި ޖަރުމަނާ ދެކޮޅަށް ކުޅުނު އިރު ވެސް ޓީމުގެ ކުޅުންތެރިންގެ ހިތްވަރުގެ އިތުރުން ނަސީބު ވަރަށް ބޮޑަށް އެހީވި ކަމަށެވެ. އޭނާ ބުނީ މިއަހަރު ވެސް ޓީމުން ކުރިއަށް ދާން އޮތީ ހިތްވަރާއެކު ކަމަށާއި، ފަސްބެލުމެއް ނޯންނާނެ ކަމަށެވެ.

ގްރޫޕް އެޗް ގައި ޕޯޗުގަލް އަދި ކޮރެއާ ބައްދަލު ކުރާ މެޗު ފަށާނީ ހުކުރު ދުވަހުގެ ރޭ ރާއްޖެ ގަޑިން 20:00 ގައެވެ.