ހޮނިހިރު ދުވަހުގެ ހެނދުނު 10:00 އިން ހަވީރު 6:00 އަށް ދާރުލް އާސާރަށް ހިލޭ ވަދެވޭނެ
25 ނޮވެމްބަރު 2022 | ހުކުރު 17:26ހޮނިހިރު ދުވަހުގެ ހެނދުނު 10:00 އިން ހަވީރު 6:00 އަށް ދާރުލް އާސާރަށް ހިލޭ ވަދެވޭނެ
ދާރުލް އާސާރު
ހޮނިހިރު ދުވަހު ގައުމީ ދާރުލް އާސާރަށް ހިލޭ ވަދެވޭނެ ކަަމަށް މޯލްޑިވްސް ނޭޝަނަލް މިއުޒިއަމް އިން ބުނެފިއެވެ.
އެކަން ހާމަކޮށް ނޭޝަނަލް މިއުޒިއަމް އިން ކުރި ޓްވީޓެއްގައި ބުނެފައި ވަނީ ހޮނިހިރު ދުވަހު ފީއަކާއި ނުލާ ގައުމީ ދާރުލް އާސާރަށް ވަނުމުގެ ފުރުސަތު އެބަ އޮތް ކަަމަށެވެ. އެ ޓްވީޓުގައި ބުނެފައި ވަނީ ހޮނިހިރު ދުވަހުގެ ހެނދުނު 10:00 އިން ހަވީރު 6:00 އަށް ދާރުލް އާސާރަށް ހިލޭ ވަދެވޭނެ ކަމަށެވެ.
ގައުމީ ދާރުލްއާސާރަކީ ގިނަ އަދަދަކަށް ފަތުރުވެރީންނާއި އާއްމުން ޒިޔާރަތްކުރަމުންދާ ތަނަކަށް ވާއިރު އެ ތަނަށް ވަންނަނީ ޓިކެޓް ނަގައިގެންނެވެ.
ދާރުލް އާސާރަށް އާންމުކޮށް ވަދެވެނީ 16 އަހަރުން މަތީގެ ދިވެހިން ނަމަ 20 ރުފިޔާ، 5-16 އަހަރާއި ދެމެދުގެ ދިވެހިން ނަމަ 10 ރުފިޔާ އެވެ. އަދި 5 އަހަރުން ދަށުގެ ކުޑަކުދިންނާއި 65 އަހަރުން މަތީގެ ކުޑަކުދިންނަށް ހިލޭ ދާރުލް އާސާރަށް ވަދެވެއެވެ. މީގެ އިތުރުން 16 އަހަރުން މަތީގެ ބިދޭސީންގެ އަތުން 100 ރުފިޔާ، 5-16 އަހަރާއި ދެމެދުގެ ބިދޭސީންގެ އަތުން 20 ރުފިޔާ އަދި ފްލެޝް ނުލާ ފޮޓޯ ނެގުމަށް 10 ރުފިޔާގެ ފީއެއް ނަގައެވެ.
