މާދަމާއަކީ ފިތުރު އީދު ދުވަސް
24 ޖޫން 2017 | ހޮނިހިރު 16:54ޝައްވާލް މަހުގެ ފުރަތަމަ ދުވަސް ނުވަތަ މިއަހަރުގެ ފިތުރު އީދު ދުވަހަކީ ޖޫން މަހުގެ 25 ވަނަ ދުވަސް
ރާއްޖެއަށްހަނދު ނުފެނުނަސް އިސްލާމީ ގައުމުތަކަށް ވަނީ ހަނދު ފެނިފައި | ޝަޓާ ސްޓޮކް
މާދަމާއަކީ ފިތުރު އީދު ދުވަސްކަމަށް އިސްލާމިކް މިނިސްޓްރީން ކަނޑައަޅައިފިއެވެ.
ހަނދު ސާބިތު ކުރުމަށް އިސްލާމިކް މިނިސްޓްރީން ހޮނިހިރު ދުވަހުގެ ރޭ ބޭއްވި ހަފްލާގައި އެ މިނިސްޓްރިން އިއްވެވި ބަޔާނުގައި ބުނެފައިވަނީ، ރާއްޖެއަށް ހަނދު ފެނިފައި ނުވި ނަމަވެސް އިސްލާމީ ގިނަ ގައުމުތަކަށް 1438 ވަނަ އަހަރުގެ ފިތުރު އީދުގެ ހަނދު ފެނިފައިވާތީ މާދަމާއަކީ މިއަހަރުގެ ފިތުރު އީދު ދުވަސްކަމަށް ކަނޑައަޅާކަމަށެވެ.
އެހެންކަމުން ޝައްވާލް މަހުގެ ފުރަތަމަ ދުވަސް ނުވަތަ މިއަހަރުގެ ފިތުރު އީދު ދުވަހަކީ ޖޫން މަހުގެ 25 ވަނަ ދުވަސް ކަމުގައި ކަނޑައަޅާ ކަމަށްވެސް ބަޔާނުގައި ވަނީ ބުނެފަ އެވެ. އިސްލާމިކް މިނިސްޓްރީން ތައްޔާރުކޮށްފައިވާ މިއަހަރުގެ ކަލަންޑަރުގައިވާ ގޮތުންވެސް މިއަހަރުގެ ފިތުރުއީދު ދުވަހަކީ ޖޫން މަހުގެ 25 ވާ އާދިއްތަ ދުވަހެވެ.
