ޤާނޫނަށް ގައިގައި ނުހިފޭވަރަށް ގޭންގުތަކުގެ ބޮޑުން ނުފޫޒު ފޯރުވާ: ހަމީދު
ރާއްޖޭގެ އެކި ތަންތަނުގައި ގޭންގުތައް ހަދައިގެން ހަރަކާތްތެރިވަމުން އަންނަތާ 20 ވަރަކަށް އަހަރު
ކޮމިޝަނަރ އޮފް ޕޮލިސް، މުޙައްމަދު ހަމީދު
ކުރިން ފިޔަވަޅު ނޭޅުމުގެ ސަބަބުން ގޭންގުތައް ބޮޑުވެ، އޭގެ ތެރެއިން ބޮޑުން ގާނޫނަށް ނުފޫޒު ފޯރުވަމުންދާ ކަމަށް ކޮމިޝަނަރ އޮފް ޕޮލިސް މުޙައްމަދު ހަމީދު ވިދާޅުވެއްޖެއެވެ.
ބުދަ ދުވަހު ބޭއްވި ނޫސްވެރިންގެ ބައްދަލުވުމުގައި ހަމީދު ވިދާޅުވީ ރާއްޖޭގައި މަސްތުވާތަކެއްޗާއެކު އޮތް އެންމެ ބޮޑު އެއް ގޮންޖެހުމަކީ ޖަމާއަތް ހަދައިގެން ހިންގާ އޯގަނައިޒްޑް ކްރައިމް ނުވަތަ ގޭންގު ކުށްތައް ކަމަށެވެ. ރާއްޖޭގެ އެކި ތަންތަނުގައި ގޭންގުތައް ހަދައިގެން ހަރަކާތްތެރިވަމުން އަންނަތާ ވިއްސަކަށް އަހަރުވެފައިވެފައިވާއިރު ޤާނޫނީ ގޮތުން މީގެ ކުރިން ކަންކަން ނުކުރެވުމުގެ ސަބަބުން އެ ގޭންގުތައް ބޮޑުވެ، ޖީލުތަކަށް ފެތުރިފައިވާ ކަމަށް ވެސް އޭނާ ވިދާޅުވިއެވެ.
ހަމީދު ވިދާޅުވި ގޮތުގައި ރާއްޖޭގެ ގޭންގުތަކުގައި ހަރަކާތްތެރިވާ ބައެއް ފަރާތްތަކަކީ މިހާރު ތަފާތު ބޮޑެތި ވިޔަފާރިތައް ހިންގާ ފަރާތްތައް ކަމަށާއި އެއާއެކު އެ ފަރާތްތަކުން އެކި ކަންކަމުގައި ނުފޫޒުގެ ބޭނުން ކުރަމުން އަންނަ ކަމަށެވެ. އަދި ބޮޑެތި ކުށްތަކަށް އަރައިގަނެ، ކަންކަން ރޭވުމުގެ އަޑީގަތި ތިބޭ މީހުން ހަނި ފުރުސަތެއްގެ ތެރެއިންވެސް ސަލާމަތް ކުރުމަށް ބައެއް ފަރާތްތަކުން މަސައްކަތް ކުރާކަން ފާހަގަކުރެވިފައިވާ ކަމަށް ވެސް އޭނާ ވިދާޅުވިއެވެ.
މިކަމާ ގުޅޭގޮތުން "ރާއްޖެ ޓީވީ" ކުރި ސުވާލަކަށް ޖަވާބު ދެއްވަމުން ހޯމް މިނިސްޓަރު އިމްރާން އަބްދުﷲ ވިދާޅުވީ ގޭންގުތަކުގެ ބޮޑުން ނުފޫޒު ފޯރުވާ ވަކި ފަރާތެއް އިސްތިސްނާ ނުވާ ކަމަށެވެ. މިގޮތަށް ވަކި ބަޔަކު ފަހަތުގައި ތިބެގެން ކުށް ކުރާ މީހުން ސަލާމަތް ކުރުމަށް މަސައްކަތް ކުރުމުގެ ސަބަބުން މުޅި މުޖުތަމައު އަށް އޭގެ ނުރައްކާ އޮންނާނެ ކަމަށާއި ގޭންގު ކުށްތައް ފަދަ ބޮޑެތި ކުށްތައް ހުއްޓުވޭނީ ހުރިހާ އެންމެން ގުޅިގެން މަސައްކަތް ކޮށްގެން ކަމަށް އޭނާ ވިދާޅުވިއެވެ.
ފުލުހުން މައުލޫމާތު ދޭ ގޮތުގައި ރާއްޖޭގައި މިވަގުތު 80 ގްރޫޕް ވަނީ ފާހަގަކުރެވިފައެވެ. މީގެ ތެރެއިން 28 ގޭންގުތައް އެކްޓިވްކޮށް ހަރަކާތްތެރިވަމުން އަންނައިރު އޭގެ ތެރެއިން 11 ގޭންގު މާލޭގައި ހަރަކާތްތެރިވާ ކަމަށާއި 17 ގޭންގަކީ އެކި ރަށްތަކުގައި ހަރަކާތްތެރިވާ ގޭންގުތައް ކަމަށް އެ އިދާރާއިން ބުންޏެވެ.
ފުލުހުންގެ ރިޕޯޓުތައް ދައްކާ ގޮތުގައި މި ގޭންގުތަކުގައި 3000 އަށްވުރެ ގިނަ މީހުން ހަރަކާތްތެެރިވެއެވެ. މީގެ ތެރެއިން އެކްޓިވްކޮށް، އެކި ކަންކަމުގައި 1700 އަށްވުރެ ގިނަ މީހުން ހަރަކާތްތެރިވެއެވެ.
ގޭންގު ކުށްތައް ހުއްޓުވުމަށް ފުލުހުންނާއި އެމްއެންޑީއެފުން ގުޅިގެން ވަނީ "ގުޅިގެން" ގެނަމުގައި ހާއްސަ އޮޕަރޭޝަނެއް ވެސް ފަށައިފައެވެ. މި އޮޕަރޭޝަނުގެ ދަށުން ފާއިތުވި ދެ އަހަރު ތެރޭގައި ކާމީޔާބީތަކެއް ހާސިލު ކުރެވިފައިވާ ކަމަށް ފުލުހުން ބުނެއެވެ. އެގޮތުން، މި އޮޕަރޭޝަނުގެ ތެރެއިން ގްރޫޕް ތައް އާއްމުކޮށް ހަކަރާތްތެރިވާ ސަރަހައްދުތަކަށް އެޓެންޑުކޮށްފައިވާ ކަމަށް އެ އިދާރާއިން މައުލޫމާތުދެއެވެ.
"ގުޅިގެން" ޕްރޮގްރާމުގެ ދަށުން ކުރި މަސައްކަތްތައް:
