ހާދިސާގައި މަރުވި ބައެއް މީހުންގެ ހަށިގަނޑު އަނބުރާ ގައުމަށް ފޮނުވަނީ
11 ނޮވެމްބަރު 2022 | ހުކުރު 17:12ހާދިސާގައި 10 މީހަކު ވަނީ މަރުވެފައި
މ ނިރުފެހިގޭގައި ހިނގި އަލިފާނުގެ ޙާދިސާގައި މަރުވި މީހެއްގެ ހަށިގަނޑު ނެރެނީ
އަލިފާނުގެ ހާދިސާގައި މަރުވި ބައެއް މީހުންގެ ހަށިގަނޑު އަނބުރާ ގައުމަށް ފޮނުވުމުގެ މަސައްކަތްތައް ފަށައިފިއެވެ.
ފުލުހުން ބުނީ އަލިފާނުގެ ހާދިސާގައި މަރުވި މީހުންގެ ތެރެއިން އެމީހުންގެ އާއިލާއިން ހަށިގަނޑު ގައުމަށް ގެންދަން ބޭނުންވާ މީހުންގެ ހަށިގަނޑު ފޮނުވުމަށް ކުރަންޖެހޭ މަސައްކަތްތައް ފޮރިން މިނިސްޓްރީއާ އެ ގައުމެއްގެ އެމްބަސީއާ ގުޅިގެން ފުލުހުން ކުރަމުންދާކަމަށެވެ.
ނަމަވެސް އަނބުރާ ފޮނުވާލަނީ ކިތައް ހަށިގަނޑުކަމެއް ފުލުހުން ހާމައެއް ނުކުރެއެވެ.
މި ހާދިސާގައި 10 މީހުން މަރުވެފައިވެއެވެ. މި މީހުންގެ ތެރެއިން 9 މީހުންގެ ހަށިގަނޑު ވަނީ ދެނެގަނެވިފައެވެ. އެއީ އިންޑިއާގެ 3 އަންހެނުންނާއި، އިންޑިއާގެ 4 ފިރިހެނުންނާއި، ބަންގްލަދޭޝްގެ 1 އަންހެނަކާއި، ބަންގްލަދޭޝްގެ 1 ފިރިހެނެކެވެ. ކާކުކަން އަދި ދެނެގަނެވިފައިނުވާ 1 ފިރިހެނަކު ހިމެނޭކަމަށް ފުލުހުން ބުނެފައިވެއެވެ.
