މާއުނގޫދޫގައި ތޫނު އެއްޗަކުން ދެމީހަކަށް ޙަމަލާދިން މައްސަލައިގައި މީހަކު ހައްޔަރުކޮށްފި
މި މާރާމާރީގައި ދެމީހަކަށް އަނިޔާވެފައިވޭ
ށ. މާއުނގޫދޫ
ށ މާއުނގޫދޫގައި ތޫނު އެއްޗަކުން ދެމީހަކަށް ޙަމަލާދިން މައްސަލައިގައި މީހަކު ހައްޔަރުކޮށްފިއެވެ.
ފުލުހުން ބުނީ، ށ މާއުނގޫދޫގައި ތޫނު އެއްޗަކުން ދެމީހަކަށް ޙަމަލާ ދީފައިވާކަމަށް އަންގާރަ ދުވަހުގެރޭ 00:40 ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.
މި މާރާމާރީގައި ދެމީހަކަށް އަނިޔާވެފައިވާއިރު، އެއީ 25 އަހަރުގެ މީހަކާއި 31 އަހަރުގެ މީހެއްކަމަށް ފުލުހުން ބުނެއެވެ. އެމީހުންނަށް މާއުނގޫދޫ ސިއްޙީ މަރުކަޒުގައި ފަރުވާ ދީފައިވާއިރު، އޭގެ ތެރެއިން 31 އަހަރުގެ މީހާއަށް އިތުރު ފަރުވާ ދިނުމަށް ކުޅުދުއްފުށީ ރީޖަނަލް ހޮސްޕިޓަލަށް ގެންގޮސްފައިވެއެވެ.
ފުލުހުން ބުނީ، މި މައްސަލައާ ގުޅިގެން ކޯޓު އަމުރެއްގެ ދަށުން 31 އަހަރުގެ މީހަކު ހައްޔަރުކޮށްފައިވާ ކަމަށެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
