މަހަށް ގޮސް އުޅުނު ޒުވާނަކު ކުއްލިގޮތަކަށް ނިޔާވެއްޖެ

މަހަށް ނުކުމެ އުޅުނު ޒުވާނަކު ކުއްލިގޮތަކަށް ނިޔާވެއްޖެއެވެ.

ނިޔާވެފައި ވަނީ ކ.ގުޅީއަށް އުފަން އުމުރުން 33 އަހަރުގެ މުޙައްމަދު އަކްރަމް ނަމަކަށް ކިޔާ ދިވެއްސެކެވެ. ބ.އަތޮޅު ހޮސްޕިޓަލުން މައުލޫމާތު ދެއްވިގޮތުގައި، ހޮސްޕިޓަލަށް ގެންދިއަ އިރުވެސް އޭނާ އޮތީ ނިޔާވެފައެވެ. އޭނާ ނިޔާވެފައިވަނީ ފުއްޕާމެއަށް ލޭ ފޮނުވައިދޭ ހޮޅިއެއް ބްލޮކް ވެގެންކަމަށް ޑޮކްޓަރުން ވިދާޅުވެފައިވާކަމަށް އެހޮސްޕިޓަލުން މައުލޫމާތު ދެއްވައެވެ.

ބ.ތުޅާދޫގެ ހުޅަނގުން 14 ނޯޓިކަލް މޭލު ބޭރުން މަސްވެރިކަން ކުރަމުންދިޔަ “ސަވޭރާ” ނަމަކަށް ކިޔާ މަސް ދޯންޏެއްގައި ހުރި އުމުރުން 33 އަހަރުގެ މީހަކު ހާލު ބޮޑުވެގެން މިއަދު 10:39 ހާއިރު ބ.އަތޮޅު ހޮސްޕިޓަލަށް ގެންގޮސްދީފައިވާ ކަމަށް އެމްއެންޑީއެފްއިން ވަނީ ބުނެފައެވެ.

އެމްއެންޑީއެފް ނޮދަން އޭރިއާ ކޯސްޓްގާޑު ފަސްޓް ސްކޮޑްރަންގެ ހާބަރ ކުރާފްޓްގައި އެ މީހާ ބ.އަތޮޅު ހޮސްޕިޓަލަށް ގެންގޮސްދީފައި ވަނީ މެޔަށް ތަދެއް އެރުމާ ގުޅިގެން “ސަވޭރާ” ދޯނިން އެމްއެންޑީއެފް ނޮދަން އޭރިއާ ކޮމާންޑްގެ އެހީތެރިކަމަށް އެދުމާ ގުޅިގެންނެވެ.