5:30 ހާއިރު ކޮންމެ ދުވަހަކުވެސް ކަސްރަތުކުރައްވާކަމަށް ރައީސް ވިދާޅުވި
ރައީސުލްޖުމްހޫރިއްޔާ، މާލެ ކުޅިވަރު އެކުވެނީގެ ސިންތެޓިކް ޓްރެކް ހުޅުވުމުގެ ރަސްމިއްޔާތުގައި ބައިވެރިވެވަޑައިގަތުން
ބަލިތަކުން ރައްކާތެރިވުމަށް ދިރިއުޅުމުގެ އާދަތައް އެގޮތަށް ބައްޓަންކޮށް ހަރަކާތްތެރިވެ އުޅުމާއި ކަސްރަތުކުރުމަށް އިސްކަންދޭންޖެހޭކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވިދާޅުވެއްޖެއެވެ.
ގައިންގަޔަށް ނާރާ ބަލިތަކުގެ ހިރާސްތަކުގެ މަޢުލޫމާތު ހާމަކުރުމަށާއި، ގައިންގަޔަށް ނާރާ ބަލިތައް ކޮންޓްރޯލު ކުރުމަށް ކަނޑައަޅާފައިވާ މަސައްކަތްތައް އިފްތިތާޙުކުރުމަށް ބޭއްވި ހަފްލާގައި ވާހަކަފުޅު ދައްކަވަމުން ރައީސް ވަނީ އެމަނިކުފާނުގެ ޑައިޓް ޕްލޭން ހިއްސާކުރައްވާފައެވެ. ރައީސް ވިދާޅުވީ އެމަނިކުފާނު ދުވަސް ފައްޓަވަނީ ކަސްރަތުންކަމަށެވެ. އެގޮތުން 5:30 ހާއިރު ކޮންމެ ދުވަހަކު ވެސް ކަސްރަތުކުރައްވާކަމަށް ރައީސް ވިދާޅުވިއެވެ.
ހެނދުނު މާގިނަ ނާސްތާ އެއް ނޯންނަކަމަށާއި ބައްލަވަނީ އޯޓްސް ސްމޫތީ އާއި ފަޅޯކޮޅެއް އެކަނިކަމަށް ރައީސް ވިދާޅުވިއެވެ.
ރައީސް ވިދާޅުވީ ޞިއްޙީ ކަންކަމަށް ހިނގާ ޚަރަދަށް ބަލާއިރު، އަދިވެސް އެންމެ ބޮޑު ބައެއް ހޭދަވަނީ ބަލިވުމުން ބޭސްކުރުމަށް ކަމަށާއި މި އާދަ ބަދަލުކުރަން ޖެހޭކަމަށެވެ.
