40ށް ވުރެ ގިނަ ފަސެންޖަރުންނާ އެކު ދަތުރުކުރަމުންދިޔަ ޓެންޒޭނިޔާގެ ފްލައިޓެއް ވެއްޓިއްޖެ
މި ހާދިސާގައި އެއްވެސް މިހާކު މަރުވެފައިވާކަމަށް އަދި ރިޕޯޓުކޮށްފައެއް ނުވޭ
ފާތިމަތު އުދުމާ | 6 ނޮވެމްބަރު 2022 | އާދީއްތަ 08:52
ޓެންޒޭނިއާގެ ފްލައިޓެއް ވެއްޓުން
ޓެންޒޭނިޔާގެ ޕްރެސިޝަން އެއަރގެ ފްލައިޓެއް ވެއްޓިއްޖެއެވެ.
ޓެންޒޭނިޔާގެ މީޑިއާތަކާ ހަވާލާދީ ވޮޝިންގްޓަން ޕޯސްޓުން ރިޕޯޓުކޮށްފައިވާގޮތުން ޕްރެސިޝަން އެއަރގެ ފްލައިޓެއް ވަނީ އެގައުމުގެ ބުކޮބާ އެއަރޕޯޓަށް ދިއުމުގެ މަގުމަތީގައި ލޭކް ވިކްޓޯރިއާ އަށް ވެއްޓިފައެވެ.
މި ހާދިސާގައި އެއްވެސް މިހާކު މަރުވެފައިވާކަމަށް އަދި ރިޕޯޓުކޮށްފައިނުވާއިރު، ފްލައިޓްގައި ދަތުރުކުރަމުންދިޔަ މީހުންގެ ސީދާ އަދަދު ވެސް އަދި ސާފެއް ނުވެއެވެ. ނަމަވެސް ބައެއް މީޑިއާތަކުން ރިޕޯޓުކުރާގޮތުގައި ފްލައިޓްގައި 40ށް ވުރެ ގިނަ ފަސެންޖަރުން ދަތުރުކުރަމުން ދިޔައެވެ.
ފްލައިޓްގައި ތިބި މީހުން ސަލާމަތްކުރުމުގެ މަސައްކަތް މިހާރު ވަނީ ފަށާފައެވެ.
