ރާއްޖެ
ނުރައްކާތެރި އެކްސިޑެންޓު
ކުޅުދުއްފުށި ސިޓީގައި ނުރައްކާތެރި އެކްސިޑެންޓެއް ހިނގައިފި
އެކްސިޑެންޓްވީ ޓެކްސީއަކާއި އެމްޓީސީސީގެ ޓްރަކެއް
އުއްމު ކުލްސޫމް އިބްރާހިމް, ރާއްޖެ އެމްވީ | 6 ނޮވެމްބަރު 2022 | އާދީއްތަ 07:46
ކުޅުދުއްފުށި ސިޓީގައި ނުރައްކާތެރި އެކްސިޑެންޓެއް ހިނގުން
ޓެކްސީއަކާއި އެމްޓީސީސީގެ ޓްރަކެއް ޖެހި ކުޅުދުއްފުށީ ސިޓީގައި ނުރައްކާތެރި އެކްސިޑެންޓެއް ހިނގައިފިއެވެ.
ކުޅުދުއްފުށީ އުތުރު ބަނދަރު ސަރަހައްދުގައި ހިނގި މި އެކްސިޑެންޓުގައި ޓެކްސީ އަށް ވަނީ ބޮޑެތި ގެއްލުންތަކެއް ލިބިފައެވެ. އަދި ޓްރަކަށް ވެސް އެކިވަރުގެ ގެއްލުން ވަނީ ލިބިފައެވެ.
މަޢުލޫމާތު ލިބިފައިވާގޮތުގައި މި އެކްސިޑެންޓު ހިނގި ވަގުތު ޓެކްސީގައި އިނީ ޑްރައިވަރު އެކަންޏެވެ. އަދި މި އެކްސިޑެންޓުގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.
ފުލުހުން ދަނީ މި އެކްސިޑެންޓު ހިނގި ގޮތް ތަޙްޤީޤު ކުރަމުންނެވެ.
