ސްޕެނިޝް ލީގުގައި ވެލެންސިއާއާ ދެކޮޅަށް ކުޅުނު މެޗުން ބާސެލޯނާ މޮޅުވެއްޖެއެވެ.

ހޮނިހިރު ދުވަހުގެ ރޭ ވެލެންސިއާގެ ދަނޑުގައި ކުޅުނު މެޗު ބާސެލޯނާއިން ކާމިޔާބުކުރީ 1-0 އިންނެވެ.

މެޗުގެ ފުރަތަމަ ހާފުގައި ވެސް ބާސެލޯނާ އަށް ވަނީ ލަނޑު ޖަހާނެ ރަނގަޅު ފުރުސަތުތަކެއް ލިބިފައެވެ. އެ ޓީމުގެ ޒުވާން އަންސު ފާޓީ އަށް ލިބުނު ދެ ފުރުސަތެއްގެ ބޭނުން ނުކުރެވުނެވެ. ދެ ވަނަ ހާފަށް ނުކުމެ ވެލެންސިއާ އިން ވަނީ ލަނޑެއް ޖަހައި ލީޑު ވެސް ނަގާފައެވެ. ނަމަވެސް ވިއޭއާރުން ނިންމީ ލަނޑު ބަލައި ނުގަތުމަށެވެ.

މެޗުން ބާސެލޯނާ މޮޅުކޮށްދިން ލަނޑު ރޮބާޓް ލެވަންޑޯސްކީ ޖެހީ މެޗުގެ އިތުރު ވަގުތަށް ދެއްކި އަށް މިނެޓުގެ ތެރެއިން ތިން ވަނަ މިނެޓުގައެވެ. އެއީ ރަފީނިއާ ތަނަވަަސްކޮށްދިން ފުރުސަތެއްގައި ލެވަންޑޯސްކީ ޖެހި ލަނޑެކެވެ.

މެޗުން މޮޅުވެ ބާސެލޯނާ އޮތީ ތާވަލްގެ އެއް ވަނަ މަގާމުގައެވެ. އެއީ ކުޅުނު 12 މެޗުން 31 ޕޮއިންޓާ އެކު ފައިދާ ގޯލުންނެވެ. ބާސެލޯނާ އަށް ވުރެ އެއް މެޗު މަދުން ކުޅެ ރެއާލް މެޑްރިޑު ދެ ވަނައިގައި އޮތީ 31 ޕޮއިންޓާއެކުއެވެ. ލީގުގައި މިއަދު އޮސަސުނާއާ ދެކޮޅަށް ކުޅޭ މެޗުން ބަލިނުވެ ފަރުޖައްސާލައިގެން ރެއާލަށް އަލުން އެއް ވަނަ އަށް އެރޭނެއެވެ.