ޕްރިމިއާ ލީގުގައި މެންޗެސްޓަރ ޔުނައިޓެޑާ ދެކޮޅަށް ކުޅެ އެއްވަރުވި މެޗުގައި ޗެލްސީ އަށް ދިމާވީ އެޓޭކް ނުކުރެވުމުގެ މައްސަލަ ކަމަށް އެ ޓީމުގެ ކޯޗު ގްރަހަމް ޕޮޓާ ބުނެފިއެވެ.

ލީގުގައި ޔުނައިޓެޑާ ދެކޮޅަށް ކުޅުނު މެޗުގައި ޗެލްސީން ލީޑު ނެގީ ޕެނަލްޓީއަކުންނެވެ. ނަމަވެސް އިތުރު ވަގުތުގައި ޔުނައިޓެޑުން ވަނީ ނަތީޖާ ހަމަހަމަކޮށްފައެވެ. ޕޮޓާގެ އިރުޝާދުގެ ދަށުން ޗެލްސީން މިހާތަނަށް ކުޅުނީ އަށް މެޗެވެ. އޭގެ ތެރެއިން އެ ޓީމު ވަނީ ހަ މެޗުން މޮޅުވެ ދެ މެޗުން އެއްވަރުވެފައެވެ. އެއްވަރުވެފައިވަނީ ބްރެންޓްފޯޑު އަދި ޔުނައިޓެޑު އަތުންނެވެ.

ޕޮޓާ ބުނީ ދެ މެޗުގައި ވެސް ދިމާވީ އެޓޭކިންގެ މައްސަލަތަކެއް ކަމަށް ޤަބޫލު ކުރެވޭ ކަމަށާއި، އެކަންކަން ރަނގަޅު ކުރުމަށް ވަރަށް ބުރަކޮށް މަސައްކަތް ކުރާނެކަމަށެވެ. ޕޮޓާ ބުނީ މެޗުގައި ޗެލްސީގެ ކުޅުންތެރިން ދެއްކުނު އެންމެ މޮޅު ކުޅުމެއް ދެއްކި ކަމަށާއި، ނަމަވެސް އެޓޭކިންގައި އަދި ވެސް ރަނގަޅު ކުރަން ޖެހޭ ކަންކަން ފެންނާނެ ކަމަށެވެ.

މީގެ އިތުރުން ޕޮޓާ ބުނީ އޭނާ އަށް ޤަބޫލު ކުރެވެނީ މެޗުގައި އެޓޭކިން ފެނުނު ވަރަށްވުރެ، ރަނގަޅު އެޓޭކިންއެއް ދެއްކޭނެ ކަމަށެވެ. އޭނާ ބުނީ ފުރުސަތުތަކެއް ވެސް ހޯދި ކަމަށާއި، ނަމަވެސް އުނދަގޫ މެޗެއްކަން ފެނިގެން ދިޔަ ކަމަށެވެ. އޭނާ ބުނީ މެޗުގެ އެކަން އޭނާ ފާހަގަ ކުރުމުން ކުޅުންތެރިންގެ ފަރާތުން ލިބުނު ޖަވާބަކީ އުފާވާ ޖަވާބެއް ކަމަށެވެ.

ޗެލްސީ އޮތީ ލީގު ތާވަލްގެ ހަތަރު ވަނަ މަގާމުގައެވެ. އެއީ ކުޅުނު 11 މެޗުން 21 ޕޮއިންޓު ހޯދައިގެންނެވެ.