ލިވަޕޫލް މޮޅު، ޗެލްސީ ފުއްދާލީ ޕޮއިންޓަކުން

މެންޗެސްޓަރ ސިޓީ ބަލިކުރި ފޯމްގައި ނުކުމެ, ލިވަޕޫލުން ވެސްޓް ހޭމް ޔުނައިޓެޑްވެސް ބަލިކޮށްފިއެވެ.

ލިވަޕޫލްގެ ދަނޑުގައި ވެސްޓް ހޭމް ބަލިކުރީ 1-0 ނެވެ. ލިވަޕޫލް މެޗުން މޮޅުކޮށްދިން ލަނޑު 22 ވަނަ މިނެޓުގައި ޖެހީ ޑާވިންގ ނޫނޭޒްއެވެ. މިއީ ލިވަޕޫލްގެ އެންފީލްޑްގައި ނޫނޭޒް ޖެހި ފުރަތަމަ ގޯލެވެ. ދެވަނަ ލަނޑެއް ޖަހަން އޭނާ ފޮނުވާލި ބޯޅަ ވެސްޓް ހޭމްގެ ކީޕަރު ފަބިއަންސްކީ މަތަކުރިއެވެ. މެޗުން ލިވަޕޫލް މޮޅުވުމުގައި ކީޕަރު އެލިސަން ބެކާގެ ދައުރުވެސް ބޮޑެވެ. އޭނާ ވަނީ ފުރަތަމަ ހާފްގެ ފަހު މިނިޓްގައި ވެސްޓް ހޭމްއަށް ލިބުނު ޕެނަލްޓީއެއް ބޮވެން ފޮނުވާލުމުން މަތަކޮށްފައެވެ.

މިމޮޅާއެކު ލިވަޕޫލް އޮތީ 10 މެޗުން 16 ޕޮއިންޓާއެކު ހަތްވަނާގައެވެ. 20 ޕޮއިންޓާއެކު ހަތަރު ވަނާގައި އޮތް ޗެލްސީއަށް ނުވަ ވަނާގައި އޮތް ބްރެންޓްފޯޑް އަތުން މޮޅެއް ނުވެވުނެވެ. މެޗު ނިމުނީ ލަނޑެއް ނުޖެހި އެއްވަރުވެގެންނެވެ. އެކަމަކު މިއީ ބަލިނުވެ ވިދިވިދިގެން ޗެލްސީން ނިންމާލި ހަތްވަނަ މެޗެވެ.