އިނގިރޭސި ޕްރިމިއާ ލީގުގައި އެވަޓަން ބަލިކޮށް ޓޮޓެންހަމުން ލީގު ރޭހުގައި ވިއްދައިފިއެވެ.

ޓޮޓެންހަމްގެ އަމިއްލަ ދަނޑުގައި ކުޅުނު މެޗު އެ ޓީމުން ކާމިޔާބުކުރީ 0-2 އިންނެވެ. މެޗުގައި ޓޮޓެންހަމުން ވަނީ ރަނގަޅަށް ކުޅޭ، ލަނޑު ޖަހާނެ ގިނަ ހަމަލާތަކެއް އުފައްދާފައެވެ. ޓޮޓެންހަމްގެ ދެ ލަނޑު ވެސް ފެނުނީ މެޗުގެ ދެ ވަނަ ހާފުގައެވެ. މެޗުގެ 59 ވަނަ މިނެޓުގައި އެ ޓީމުގެ ފުރަތަމަ ލަނޑު ޖަހައިދިނީ އިންގްލެންޑުގެ ފޯވާޑް ހެރީ ކޭންއެވެ. އެއީ ޓޮޓެންހަމަށް ލިބުނު ޕެނަލްޓީއަކުން އޭނާ ޖެހި ލަނޑެވެ. ޓޮޓެންހަމްގެ ފަހު ލަނޑު މެޗުގެ 86 ވަނަ މިނެޓުގައި ޖެހީ ޕިއޭ އެމީލް ހޮއިބިއާއެވެ.

މި މޮޅާއެކު ޓޮޓެންހަމް އޮތީ ތާވަލްގެ ތިން ވަނަ މަގާމުގައެވެ. އެއީ 10 މެޗުން 23 ޕޮއިންޓު ހޯދައިގެންނެވެ. ދެ ވަނައިގައި މެންޗެސްޓަރ ސިޓީ އޮތީ ޓޮޓެންހަމަށްވުރެ އެއް މެޗު މަދުން ކުޅެ، 23 ޕޮއިންޓާއެކުއެވެ. އެއް ވަނައިގައި އާސެނަލަށް އޮތީ 24 ޕޮއިންޓާއެކުއެވެ.

ލީގުގައި އާދިއްތަ ދުވަހުގެ ރޭ ލީޑްްސް ޔުނައިޓެޑާ ދެކޮޅަށް ކުޅޭ މެޗުން މޮޅުވެ އާސެނަލަށް މަގާމު ދެމެހެއްޓޭނެއެވެ.