ހިރިލަންދޫ ސްކޫލްގައި 3 ބުރީގެ އިމާރާތެއް އެޅުމަށް ބަޔަކާ ހަވާލުކޮށްފި

ތ.ހިރިލަންދޫ ސްކޫލުގައި 3 ބުރީގެ އިމާރާތެއް އެޅުމަށް ބަޔަކާ ހަވާލުކޮށްފިއެވެ.

މިމަސައްކަތް ކުރުމަށް ހަވާލުކޮށްފައިވަނީ ޓިކް ޓެކް އިންވެސްޓްމެންޓް ޕްރައިވެޓް ލިމިޓެޑާއެވެ. މި މަޝްރޫއުގެ އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގައި އެޑިއުކޭޝަން މިނިސްޓްރީގެ ފަރާތުން މި އެއްބަސްވުމުގައި ސޮއިކުރެއްވީ ސީނިއަރ ޕޮލިސީ ޑިރެކްޓަރ ނައުޝާދު އިބްރާހީމެވެ. އަދި ޓިކް ޓެކް އިންވެސްޓްމެންޓުގެ ފަރާތުން ސޮއިކުރެއްވީ އެކުންފުނީގެ ޑިރެކްޓަރ އޮފް ފައިނޭންސް އިސްމާއީލް ޒަހްރާން ޒުބައިރެވެ.

މިމަޝްރޫއުގެ ދަށުން، 3 ބުރީގެ އިމާރާތަކާއި 8 ކްލާސްރޫމް އަދި މަލްޓިޕަރޕަސް ހޯލެއް އިމާރާތްކުރަންޖެހެއެވެ. މި މަސައްކަތް ހަވާލުކޮށްފައިވަނީ 400 ދުވަސް ތެރޭގައި ނިންމާގޮތަށެވެ. އެއީ 34,683,731.99 ރުފިޔާއަށެވެ.