މާލެ އަތޮޅުން ފެށިގެން ތ އަތޮޅަށް ވައިޓް އެލާޓް، ދެކުނަށް ޔެލޯ އެލާޓް
11 އޮކްޓޯބަރު 2022 | އަންގާރަ 08:27އެލާޓް ނެރެފައިވަނީ އެސަރަހައްދަށް ބޯކޮށް ވާރޭވެހުމާ އެކު ގުގުރާނެކަމަށް ލަފާކޮށްފައި
މާލެއަށް ބޯކޮށް ވާރޭވެހެނީ
ބޯކޮށް ވާރޭވެހޭނެކަމަށް ލަފާކޮށް މާލެ އަތޮޅުން ދެކުނަށް އެލާޓް ނެރެފިއެވެ.
އެގޮތުން މޫސުމާ ބެހޭ ގައުމީ އިދާރާއިން ވަނީ ކ އަތޮޅުން ފެށިގެން ތ އަތޮޅަށް ވައިޓް އެލާޓް ނެރެފައެވެ. މެޓް އޮފީހުން ބުނީ މިސަރަހައްދަށް އަންގާރަ ދުވަހުގެ މެންދުރު 1ން ފެށިގެން ރޭގަނޑު 7 ޖެހުމާ ހަމައަށް ވައިޓް އެލާޓް ނެރޭކަމަށެވެ. މިވަގުތުތަކުގައި އެސަރަހައްދަށް ބޯކޮށް ވާރޭވެހުމާ އެކު ގުގުރުން އެކަށީގެންވާކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެކަމަށް ލަފާކުރެވޭކަމަށް މެޓް އޮފީހުން ބުނެއެވެ.
މީގެއިތުރުން ލ އަތޮޅުން ފެށިގެން އައްޑޫ ސިޓީއަށް ވަނީ ޔެލޯ އެލާޓް ނެރެފައެވެ. މެޓް އޮފީހުން ބުނީ އަންގާރަ ދުވަހުގެ މެންދުރު 12:30ން ފެށިގެން ހަވީރު 4:30ށް އެސަރަހައްދަށް ޔެލޯ އެލާޓް ނެރޭކަމަށެވެ. މިވަގުތުތަކުގައި އެސަރހައްދަށް ބޯކޮށް ވާރޭވެހި ގުގުރާނެކަމަށް މެޓް އޮފީހުން ބުނެއެވެ. އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެކަމަށް ވަނީ ލަފާކޮށްފައެވެ.
