ރީފް ހެލްތު އެސެސްމެންޓް ފޮޓޯ ޝޫޓް އައުޓްގެ މެއިން ސްޕޮންސަރަކަށް ދިރާގު ހަމަޖައްސައިފިއެވެ.

މިއީ ރާއްޖޭގެ 50 ޑައިވް ސަރަހައްދެއްގެ ފަރުތަކުގެ ދުޅަހެޔޮކަން ބެލުމަށް ކުރިއަށް ގެންދާ ފޮޓޯ ޝޫޓެކެވެ. ރާއްޖޭގެ ފަތުރުވެރިކަމަށް 50 އަހަރު ފުރުމުގެ މުނާސަބާގައި ކުރިއަށް ގެންދާ މި ހަރަކާތަކީ އޯޝެން ޖިއޮގްރެފިކްގެ އިސްނެގުމަކަށް ޓުއަރިޒަމް މިނިސްޓްރީ އާއި މޯލްޑިވްސް އެލައެންސް އޮފް ޑައިވް އޮފަރޭޓަރސް ގުޅިގެން ކުރިއަށްގެންދާ ހަރަކާތެކެވެ. މި ހަރަކާތުގެ ސްޕޮންސަރުގެ އެއްބަސްވުމުގައި ޓުއަރިޒަމް މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ.އަބްދުﷲ މައުސޫމް އެވެ. ދިރާގުގެ ފަރާތުން އެ އެއްބަސްވުމުގައި ސޮއިކުރެއްވީ ދިރާގުގެ ސީއީއޯ އަދި މެނޭޖިން ޑިރެކްޓަރު އިސްމާއިލް ރަޝީދުއެވެ.

އެ ރަސްމިއްޔާތުގައި ވާހަކަދައްކަވުން ޑރ.މައުސޫމް ވަނީ ރާއްޖެއިން 50 ޑައިވް ސެންޓަރު ހޮވާލުމަކީ ވެސް ފަސޭހަ ކަމެއް ނޫން ކަަމަށް ފާހަގަކުރައްވާފައެވެ. މި ފޮޓޯ ޝޫޓުން ރާއްޖޭގެ ފަޅުތަކުގެ ހާލަތު އެނގޭނެ ކަމަށާއި މި މުބާރާތް އަހަރަކު އެއް ފަހަރު ބާއްވަން ނިންމާފައިވާ ކަަމަށް ޑރ.މައުސޫމް ވިދާޅުވިއެވެ. މި މުބާރާތް ބާއްވަނީ 21 އޮކްޓޯބަރުގައި ކަަމަށާއި، މި މުބާރާތުގެ އަލީގައި ރާއްޖޭގެ ރީތިކަން ދައްކާލުމުގެ އިތުރުން ފަޅުތައް ހިމާޔަތް ކުރަން ވެސް މަގުފަހި ވެގެންދާނެ ކަމަށް ޑރ.މައުސޫމް ވިދާޅުވިއެވެ.

ދިރާގުގެ ސީއީއޯ އަދި މެނޭޖިން ޑިރެކްޓަރު އިސްމާއިލް ރަޝީދު ވަނީ މި ފަދަ އިޖުތިމާއީ ކަންކަމުގައި ދިރާގުން އަބަދުވެސް އެ ކުންފުންޏަށް ދެވުނު އެއްބާރުލުމެއް ދެއްވާކަން ފާހަގަކުރައްވާފައެވެ. އަދި އިޖުތިމާއީ ޒިންމާގެ ދަށުން އެ ކުންފުނިން ކުރާ މަސައްކަތްތަކުގެ ދަށުން ތިމާވެށި ރައްކާތެރިކުރުމަށް ޚާއްސަ ހަރަކާތްތަކެއް ދިރާގުން ހިންގާ ކަމަށް އޭނާ ވަނީ ފާހަގަކުރައްވާފައެވެ.

މި ހަރަކާތުގައި ބައިވެރިވާން ބޭނުންވާ ފަރާތްތަކުން ޑައިވް ސައިޓުގައި ރީފް ހެލްތު ޗެކް ސެންޓަރެއްގެ ގޮތުގައި ރެޖިސްޓްރީވުމާއި ފޮޓޯގްރާފަރުންގެ ގޮތުގައި ބައިވެރިވާން ބޭނުންވާ ފަރާތްތަކުން ވެސް ރެޖިސްޓްރީ ވުމުގެ ފުރުސަތު ވަނީ ހުޅުވާލާފައެވެ. މި ކަމަށް ޚާއްސަސައިޓަކީ މޯލްޑިވްސްއެވެ.