ގިނަ އަދަދެއްގެ ބަނގުރަލާއި އޫރުމަސް ނައްތާލައިފި
3 އޮކްޓޯބަރު 2022 | ހޯމަ 00:41ނައްތާލި ތަކެތީގެ ތެރޭގައި ބަނގުރަލާއި ބިޔަރު އިޝްތިހާރުކުރުމަށް ބޭނުންކުރާ ތަކެތި ހިމެނޭ
ކަސްޓަމްސްއިން ނައްތާލާފައިވާ ތަކެތި
ކަސްޓަމްސްގެ ބެލުމުގެ ދަށުގައި ހުރި ގިނަ ބާވަތްތަކެއްގެ ތަކެތި ނައްތާލައިފިއެވެ.
ކަސްޓަމްސްއިން ބުނީ ނައްތާލި ތަކެތީގެ ތެރޭގައި ގިނަ އަދަދެއްގެ ބަނގުރަލާއި، އޫރުމަސް އަދި ބަނގުރަލާއި ބިޔަރު އިޝްތިހާރުކުރުމަށް ބޭނުންކުރާ ތަކެތި ހިމެނޭ ކަމަށެވެ. މި ތަކެތި ނައްތާލާފައިވަނީ ތިލަފުށީ ކުނި ނައްތާލާ ސަރަހައްދުގައެވެ.
ކަސްޓަމްސްއިން ވަނީ 1055 ބަނގުރާ ފުޅިއާއި، 1282 ކިލޯ 82 ގްރާމު އޫރު މަހާއި، ބަނގުރަލާއި ބިޔަރު އިޝްތިހާރުކުރުމަށް ބޭނުންކުރާ 810 ޕީސް ނައްތާލާފައެވެ.
މި ތަކެއްޗަކީ ކަސްޓަމްސްގެ އަންމު ގަވާއިދުގެ 269 ވަނަ މާއްދާގެ ދަށުން ބޮންޑެޑް ވެއަރހައުސްގައި ހުންނަ މުދާ ހަލާކުވުމުން ނުވަތަ މުއްދަތު ހަމަވުމުން ނުވަތަ އެނޫންވެސް ސަބަބަކާހުރެ ނައްތާލުމުގައި ކަސްޓަމްސްއިން އަމަލުކުރާ އުސޫލުގެ ދަށުން ނައްތާލާފައިވާ ތަކެއްޗެވެ.
