ޖަރުމަނު ލީގުގައި ބަޔާ ލެވަކޫސަން ބަލިކޮށް، ޗެމްޕިއަން ބަޔާން މިއުނިކުން ދެވަނަ މަގާމަށް ޖެހިލައިފިއެވެ.

ހުކުރު ދުވަހުގެ ރޭ ބަޔާންގެ އަމިއްލަ ދަނޑުގައި ކުޅުނު މެޗު އެ ޓީމުން ކާމިޔާބުކުރީ 0-4ންނެވެ.

މެޗު ފަށައިގެން ތިންވަނަ މިނެޓުގައި ބަޔާނަށް ލީޑު ނަގައިދިނީ ލެރޯއީ ސާނޭއެވެ. ބަޔާންގެ ދެވަނަ ލަނޑު މެޗުގެ 17 ވަނަ މިނެޓުގައި ޖެހީ ޖަމާލް މުސިއާލާއެވެ. ފުރަތަމަ ހާފު ނިމުމުގެ ކުރިން ބަޔާނުން ވަނީ ތިންވަނަ ލަނޑެއްވެސް ޖަހާފައެވެ. 39 ވަނަ މިނެޓުގައި އެ ލަނޑު ޖެހީ ސަޑިއޯ މާނޭއެވެ. ބަޔާންގެ ފަހު ލަނޑު ފެނުނީ މެޗުގެ ފަހު 10 މިނެޓުގެ ތެރޭގައެވެ. މެޗުގެ 84 ވަނަ މިނެޓުގައި ޖެހީ ތޯމަސް މުލާއެވެ.

މެޗުން މޮޅުވެ ބަޔާން އެއްވަނާގައި އޮތީ 8 މެޗުން 15 ޕޮއިންޓު ހޯދައިގެންނެވެ. އެއީ އެއްވަނާގައި އޮތް ޔޫނިއަން ބާލިންއާއި ތިންވަނާގައި އޮތް ބޮރޫޝިއާ ޑޯޓްމަންޑަށްވުރެ އެއް މެޗު އިތުރަށް ކުޅެގެންނެވެ. 7 މެޗުން ބާލިންއަށް ލިބެނީ 17 ޕޮއިންޓެވެ. ޑޯޓްމަންޑަށް 7 މެޗުން ލިބެނީ 15 ޕޮއިންޓެވެ.