ބޮޑުތިލަދުންމަތި: އިއްޔެގެ ބަދަލަކީ ބޮޑުތަކުރުފާނުގެ ޖިހާދު، މިއަދުގެ ބަދަލަކީ ރަށެއް ބާކީކޮށްފައި ނެތުން

ދިވެހި ތާރީޚުގެ އެންމެ މުހިއްމު ސަފުހާތަކާއި ދިވެހި ގައުމިއްޔަތުގެ އެންމެ އަގުހުރި މިސާލުކަމުގައިވާ މުޙައްމަދު ތަކުރުފާނުގެ ރަށް ހއ. އުތީމުގައި ބޭއްވި ގައުމީ ދުވަހުގެ ރަސްމީ ޖަލްސާގެ އެންމެ މުހިއްމު ބަޔަކީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ގައުމާ މުޚާތަބުކުރައްވައި ދެއްކެވި ވާހަކަފުޅެކެވެ. އެމަނިކުފާނުގެ މުޅި ސްޕީޗް ބިނާކުރެއްވީ ގައުމިއްޔަތުގެ މައްޗަށެވެ.

އެމަނިކުފާނު ވިދާޅުވިގޮތުގައި، ދިވެހި ގައުމުން މިއަދު ފެންނަ އިޖްތިމާއީ ބޮޑެތި ހުރިހާ މައްސަލަ ތަކެއްގެ ފެށުން ގުޅެނީ، ގައުމިއްޔަތުގެ ސިފަތަކާ އޮތްގުޅުން ކުޑަވުމާއެވެ.

ދިވެހިރާއްޖެއާއި ދިވެހިންގެ މާޒީގެ ކާމިޔާބާއި މުސްތަގުބަލުގެ އާރޯކަން ގުޅިފައި އޮތީވެސް ގައުމިއްޔަތާކަން ރައީސުލްޖުމްހޫރިއްޔާ ދިވެހި ރައްޔިތުންނަށް ހަނދާންކޮށްދެއްވިއެވެ.

އެމަނިކުފާނު ގައުމިއްޔަތު ސިފަކުރެއްވީ މިފަދައިންނެވެ.

މުޙައްމަދު ތަކުރުފާނުގެ ޒިކުރާ އާކުރައްވައި ތައުރީފުކުރައްވަމުން ރައީސްގެ ގައުމީ ދުވަހުގެ ޚިޠާބު ކުރިއަށް ގެންދެވިއެވެ.

އެމަނިކުފާނު ވިދާޅުވީ، ދުނިޔޭގެ ގަދަފަދަ ބާރަކުން، މުޅި ސަރަޙައްދު އޮތީ، އިސްތިޢުމާރު ކޮށްފައި ކަމަށާއި މީސްގިނަ ބޮޑެތި ބައްރުތަށް އޮތީ، ކުރުގެޅި، އިނދަޖެހި، ހިރިނުލެވިފައި ކަމަށެވެ.

އެމަނިކުފާނު ވިދާޅުވިގޮތުގައި މިނިވަންކަމާއި ސިޔާދަތާއި އަމިއްލަވަންތަކަން ދެމެހެއްޓުމަށް، ފުރަތަމަ އެނގެން ޖެހެނީ، އަމިއްލަ ތާރީޚެވެ. އެކަމަށްޓަކައި ތާރީޚާއި ސަގާފަތާއި އާސާރުތައް ދެމެހެއްޓެން ޖެހޭކަން ފާހަގަކުރައްވަމުން ރައީސުލްޖުމްހޫރިއްޔާ ވިދާޅުވިއެވެ.

ދަރިން ހެޔޮ ގޮތުގައި ތަރުބިއްޔަތު ކުރެވިގެން މެނުވީ، އެމަނިކުފާނު ވިދާޅުވި ގޮތުގައި، "މާދަމާގެ ދިވެހިރާއްޖެ ބާއްޖަވެރިއެއް ނުވާނެ" އެވެ

ގައުމީ ދުވަހާ އުތީމާ ގުޅެނީ ކިހިނެއް ހެއްޔެވެ؟ ރައީސުލްޖުމްހޫރިއްޔާގެ ވާހަކަފުޅުން އެކަން ސާފުކޮށް އެނގެއެވެ.

ޤައުމީ ދުވަހުގެ އުފަލަކީ ތަފާތު އުފަލެކެވެ. 

1444 ވަނަ އަހަރުގެ ޤައުމީ ދުވަހުގެ އިޙްތިފާލަށް، އުތީމަށް ވަޑައިގެންނެވުމުން، އެމަނިކުފާނަށް ލިބިލެއްވި އުފާ އަދި މާ ތަފާތުކަމަށް ފާހަގަކުރައްވަމުން ވިދާޅުވީ އެހެންނެވެ.