ފައިނޭންޝަލް ކޮންޓްރޯލަރގެ މަގާމަށް މުޙައްމަދު އާޒާދު

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހު، ފައިނޭންޝަލް ކޮންޓްރޯލަރުގެ މަގާމަށް މުޙައްމަދު އާޒާދު އައްޔަންކުރައްވައިފިއެވެ.

މި މަގާމަށް އައްޔަންކުރަައްވާފައިވާ އާޒާދަކީ ފިނޭންސް މިނިސްޓްރީގެ އެސްއޯއީ ފައިނޭންޝަލް ކޮންސަލްޓަންޓުގެ މަގާމު ފުރުއްވި ބޭފުޅެކެވެ. އޭނާ އެ މަގާމަށް އައްޔަން ކުރެއްވީ ހަ އަހަރު ވަންދެން އެ މަގާމުގައި ހުންނެވި ފާޠިމަތު ރަޒީނާ މިދިޔަ އާދީއްތަ ދުވަހު އިސްތިއުފާދެއްވުމުންނެެވެ.

އާޒާދަކީ ސީއެފްއޭ ޗާޓަރ ހޯލްޑަރއެއްގެ އިތުރުން، ބިޒްނަސް އެޑްމިނިސްޓްރޭޝަން ދާއިރާއިން ބެޗެލަރސް ޑިގްރީއަކާއި ސައިންސް އިން ފައިނޭންސް ދާއިރާއިން މާސްޓަރ ހާސިލުކުރައްވާފައިވާ ބޭފުޅެކެވެ. އޭގެކުރިން އޭނާ ވަނީ، ފިނޭންސް މިނިސްޓްރީގެ އެސްއޯއީ ރިފޯމް ކޮންސަލްޓަންޓެއްގެ ވަޒީފާއާއި ޚަޒާނާ މޯލްޑިވްސްގެ އެކައުންޓް އެންޑް ފައިނޭންސްގެ އިސްވެރިޔާގެ ގޮތުގައިވެސް މަސައްކަތްކުރައްވައިފައެވެ.

މީގެ އިތުރުން އެންޓި ކޮރަޕްޝަން ކޮމިޝަނުގެ އިންޓެލިޖެންސް ޑިޕާޓްމަންޓުގެ އިސްވެރިޔާގެ އިތުރުން މޯލްޑިވްސް އިސްލާމިކް ބޭންކްގެ ބޯޑު މެމްބަރުކަންވެސް އޭނާ ކުރެއްވިއެވެ.

ފައިނޭންޝަލް ކޮންޓްރޯލަރުގެ މަގާމުގައި ކުރިން ހުންނެވި ރަޒީނާ މަގާމުން އިސްތިއުފާދެއްވީ ފައިނޭންސާއި އެކައުންޓިންގގެ ދާއިރާއިން ރާއްޖެއިން ބޭރުގައި ޕީއެޗްޑީ ހާސިލް ކުރެއްވުމަށް ވަޑައިގަތުމަށެވެ. އޭނާ މަގާމަށް އައްޔަންކުރެއްވީ ޖުލައި 5، 2016ގައެވެ.