މޯލްޑިވްސް އެކައުންޓެންޓްސް ފޯރަމްގެ މެއިން ސްޕޮންސަރަކަށް އެސްޓީއޯ

އިންސްޓިޓިއުޓް އޮފް ޗާޓަރޑް އެކައުންޓެންޓްސް އޮފް ދަ މޯލްޑިވްސް (ސީއޭ މޯލްޑިވްސް) އިން އިންތިޒާމްކޮށްގެން ކޮންމެ އަހަރަކު ބާއްވަމުންދާ މޯލްޑިވްސް އެކައުންޓެންޓްސް ފޯރަމްގެ ސްޕޮންސަރުންނާއިއެކު ސޮއިކޮށްފިއެވެ.

މޯލްޑިވްސް އެކައުންޓެންޓްސް ފޯރަމް ބާއްވަން ހަމަޖެހިފައިވަނީ 29 އާއި 30 އޮކްޓޯބަރު މި ދެ ދުވަހެވެ.

މޯލްޑިވްސް އެކައުންޓެންޓްސް ފޯރަމް 2022 ގެ މެއިން ސްޕޮންސަރަކީ، ސްޓޭޓް ޓްރޭޑިންގެ އޯގަނައިސޭޝަންއެވެ. އަދި ކޯ ސްޕޮންސަރުންގެ ގޮތުގައި ހިމެނެނީ ދިރާގު، މޯލްޑިވްސް ޓްރާންސްޕޯޓު އެންޑް ކޮންޓްރެކްޓިންގ ކޮމްޕެނީއާއި، ޕެންޝަން އޮފީހެވެ. އަދި މި ފޯރަމްގެ ބޭންކިންގ ޕާރޓްނަރ އަކަށް ހަމަޖެހިފައިވަނީ ބޭންކް އޮފް މޯލްޑިވްސްއެވެ.

"އިކޮނޮމިކް ޓްރާންސްފޮމޭޝަން -ރީތިންކިންގ ގްރޯތު އިން ދަ ނިއު އިކޮނޮމީ"، - މި ތީމްއަށް ޚާއްސަކޮށްގެން ބާއްވާ މިއަހަރުގެ ފޯރަމް ބިނާވެގެންދާނީ، އެކައުންޓިންގ އަދި އޮޑިޓިންގ ދާއިރާއަށް އަންނަމުންދާ ބަދަލުތަކަށް އަހުލުވެރިކޮށް މި ފަންނުގެ މަސްލަހަތުވެރިންގެ މެދުގައި އިލްމާއި ތަޖުރިބާ ހިއްސާކުރުމަށެވެ.

މި ފޯރަމްގައި އޭޝިއާ ރީޖަންގެ ޗާރޓަރޑް އެކައުންޓިންގ އިސްޓިޓިއުޓްގެ އިސްވެރިންގެ އިތުރުން، އެކައުންޓިން އާއި ވިޔަފާރީގެ އެކި ދާއިރާތަކުގެ ތަޖުރިބާކާރު ފަންނުވެރިންގެ ބައިވެރިވުމާއިއެކު، ޤައުމުގެ އިޤްތިސާދާއި ގުޅުން ހުރި މުހިންމު ހުށަހެޅުންތަކާއި ޕެނަލް ޑިސްކަޝަންތައް ކުރިއަށްދާނެކަމަށް ސީއޭ މޯލްޑިވްސް އިން މައުލޫމާތުދެއެވެ.