ދުނިޔެއަށް މިއަދު ކުރިމަތިލާން ޖެހިފައި ވާ ތިމާވެށީގެ އެކި ކަހަލަ ކާރިޘާތަކުގެ ތެރެއިން، ފަރުތަކުގެ ދިރުންތަކަށް އެކި ކަހަލަ ގެއްލުންތައް ކުރިމަތިވާ ކުރުވާ ކާރިޘާތަކުން ލިބެ ގެއްލުން ކުޑަ ކުރުމަށް، ދުނިޔޭގެ އެކި ހިސާބުތަކުގައި ތަފާތު އެކި ކަހަލަ މަސައްކަތްތައް ދަނީ ކުރަމުންނެވެ.
އެގޮތުން، އެކުއެޑޯގެ ގަލާޕަގޯޒް ނޭޝަނަލް ޕާކުން މިހާރުވެސް ދަނީ، އެ ޤައުމުގެ ނާޒުކު ޖަޒީރާތައް ވަށައިގެން ވާ ފަރުތަކުގައިވާ މުރަކަ އަލުން އިންދާ، ހައްދާ، އާލާ ކުރާނެ އެކި ގޮތްތައް ބަލާ، ދިރާސާކޮށް، ތަހުލީލުތައް ކުރަމުންނެވެ.
މި މުރަކަތައް މުހިންމު ވަނީ މީ، ކަނޑުގެ ރީސައިކްލިންގް ޑިވައިސްތަކަކަށް ވީމަ. މި މުރަކަތަކަކީ ހުރިހާ ކާބަންޑައިއޮކްސައިޑެއް، އޮކްސިޖަނަށް ބަދަލު ކުރާ އެތި. މި މުރަކަތައް މުހިންމު ވަނީ، މި މުރަކަތަކަކީ، ބައެއް މަސްމަހާ މެހި ހިމާޔަތާއި ހިޔާވަހިކަން ހޯދާ ގެދޮރަށް ވީމަ.ހެރީ ރީޒް؛ ޕަރކް ރޭންޖަރ
ފަރުތަކުގެ ދިރުންތައް މަރުވެ، ނެދި ދިއުމުގެ އަސަރު، ކަނޑުގެ ދިރުންތަކުގެ ކާބޯތަކެތީގެ ޗޭނަށް ފޯރައެވެ. މިއީވެސް މޫސުމީ ނޭދެވޭ ބަދަލުތަކުގެ ސަބަބުން ކުރިމަތި ކުރުވާ އެންމެ ހައްސާސްކަން ބޮޑު، އެއް މައްސަލައެވެ.
މުރަކައިގެ ސަބަބުން ވެއްޓަށް ވަރަށް އެހީ ލިބޭ. ފަތުރުވެރިކަމުގެ ސިނާއަތަށްވެސް އެހީ ލިބޭ. މުރަކައިގެ ދިރުންތައް ހިތްޤައިމު ވާ ވަރަކަށް، މުރަކަ ބަގީޗާތައް ފަރިވާ ވަރަކަށް މުޖުތަމައަށް ލިބޭ އިޤްތިޞާދީ މަސްދަރުތައްވެސް އިތުރުވޭ.ހެރީ ރީޒް؛ ޕަރކް ރޭންޖަރ
މުރަކަ އަލުން އިންދާ، ހައްދާ، އާލާ ކުރާނެ އެކި ގޮތްތައް ބަލާ، ދިރާސާކޮށް، ތަހުލީލު ކުރުމުގެ މަސައްކަތުގައި އިސްކޮށް ހަރަކާތްތެރި ވަނީ ޕާކް ރޭންޖަރުންގެ އިތުރުން ވޮލަންޓިއަރުންނެވެ. ސެންޓާ ކުރޫޒްއޭ ކިއުނު ރަށުގައި ކުރިއަށް ގެންދާ އެ މަސައްކަތުގައި އެންމެ ބޮޑު އެހީތެރިކަމެއް ފޯރުކޮށްދޭ އެއް ބަޔަކީ ގަލާޕަގޯޒް ކޮންޒަރވަންސީއެވެ.
2020 ވަނަ އަހަރުން ފަށައިގެން އެމީހުން ދަނީ، އެޅިގަލާއި ސިމެންތީގެ އިތުރުން ދަގަނޑު ފްރޭމްތަކުގައި ބަނުމުގެ އިތުރުން އެކަތި އަނެކައްޗާއެކު އައްސައިގެން، މުރަކަ އާލާވާ ގޮތްތައް ޓެސްޓު ކުރަމުންނެވެ. ސީދާ ފަރަށް މުރަކަ ގެންދިއުމުގެ ކުރިން، އެކަން ޓެސްޓު ކުރަނީ، އެކަމަށް ހާއްސަ ނާސަރީއެއްގައެވެ.
ނާސަރީގެ މަސައްކަތްވެސް ފިސާރި ކާމިޔާބު ކަމަށް އެކަމުގައި ޝާމިލުވާ ފަރާތްތަކުން ފާހަގަ ކުރެއެވެ. އެގޮތުން މުރަކަ އާލާ ވުމުގެ އިތުރުން، އާ ބާވަތްތަކުގެ މަސްމަހާމެހީގެ ދިރުންތައްވެސް އެ ސަރަހައްދުން ފެންނަން ފަށާފައި ވާ ކަމަށް ބުނެއެވެ.
ގަލަޕަގޯޒް ސަރަހައްދުގެ ފަރުތަކަށް ކުރިމަތިލާން ޖެހިފައި ވާ އެންމެ ބޮޑު ނުރައްކަލަކީ އެލްނީނޯގެ ނުރައްކަލެވެ. އެލްނީނޯގެ ސަބަބުން، އެ ސަރަހައްދުގެ ފަރުގެ މުރަކައިގެ ދިރުންތައް މުޅިން ނެތި ދިއުމުގެ ބިރު ވަނީ އިންތިހާއަށް ބޮޑުވެފައެވެ. އެލްނީނޯގެ ސަބަބުން، ކުއްލިއަކަށް މޫދުގެ ފިނިހޫނުމިން މައްޗަށް ގޮސް، މުރަކައިގައި ދިރިއުޅޭ "އަލްގީ"، އެ މުރަކަތައް ދޫކޮށް ދެއެވެ. ނަތީޖާއެއްގެ ގޮތުން، މުރަކައަށް ބޭނުންވާ ކާނާ ނުލިބި، ކުލަ ފަނޑުވެ ހުދުވެދެއެވެ.
