ހުޅުމާލެ ފަޅުތެރެއިން 300ށް ވުރެ ގިނަ ކޮތަޅުގެ ކުނި ނަގައިފި
24 ސެޕްޓެމްބަރު 2022 | ހޮނިހިރު 08:06މިހަރަކާތަކީ "އިންޓަރނޭޝަނަލް މެރިޓައިމް ވީކް" ފާހަގަކުރުމުގެ ގޮތުން ކުރިޔަށްގެންދިޔަ ހަރަކާތެއް
އެމްއެންޑީއެފުން ހުޅުމާލެ ފަޅުތެރެ ސާފުކުރުން
"އިންޓަރނޭޝަނަލް މެރިޓައިމް ވީކް" ފާހަގަކުރުމުގެ ގޮތުން ކޯސްޓްގާޑާއި މާލޭ އޭރިއާ ކޮމާންޑުން ހުޅުމާލޭ ފަޅު ސާފުކޮށްފިއެވެ.
މިހަރަކާތަކީ "އިންޓަރނޭޝަނަލް މެރިޓައިމް ވީކް" ފާހަގަކުރުމުގެ ގޮތުން ކުރިއަށްގެންދާ ހަރަކާތްތަކުގެ ތެރެއިން އެމްއެންޑީއެފް ކޯސްޓްގާޑާއި އެމްއެންޑީއެފް މާލޭ އޭރިއާ ކޮމާންޑް ގުޅިގެން ކުރިޔަށްގެންދިޔަ ހަރަކާތެކެވެ. ހޮނިހިރު ދުވަހުގެ ހެނދުނު ފެށި މި ސާފުކުރުމުގެ ހަރަކާތުގައި އެމްއެންޑީއެފް ކޯސްޓްގާޑާއި އެމްއެމްޑީއެފް މާލޭ އޭރިއާ ކޮމާންޑްގައި މަސައްކަތް ކުރާ ގިނަ އަދަދެއްގެ ސިފައިން ބައިވެރިވިކަމަށް އެމްއެންޑީއެފުން ބުނެއެވެ.
މި ގޮތުން މިހަރަކާތުގައި ހުޅުމާލޭ ހުޅަނގު ފަރާތު ހޭޅިފަށާއި ގޮނޑުދޮށާއި މޫދު އަދި ވަށައިގެންވާ ސަރަޙައްދުތައް ވަނީ ސާފުކޮށްފައެވެ. އަދި، މި ހަރަކާތުގައި، އެ ސަރަހައްދުތަކުން ސިފައިން ވަނީ، 300 އަށް ވުރެ ގިނަ ކަޅު ކޮތަޅުގެ ޕްލާސްޓިކާއި ކުނި ނަގައި ސާފުކޮށްފައެވެ.
