މިމަހުގެ 19 ވަނަ ދުވަހު ހުޅުމާލެ ފޭސް ދޭކުން ގެއްލިގެން ހޯދަމުން އަންނަ މުހައްމަދު އަޒްހާން އަދިވެސް ނުފެންނަކަމަށް ފުލުހުން ބުނެފިއެވެ.

"ރާއްޖެއެމްވީ" އާ ވާހަކަދައްކަވަމުން ފުލުހުންގެ މީޑިޔާ އޮފިޝަލް ވިދާޅުވީ އަޒްހާން ހޯދުމުގެ މަސައްކަތް ކުރަމުން އަންނަކަމަށެވެ. ފުލުހުން ބުނެފައިވަނީ އުމުރުން 27 އަހަރުގެ މުހައްމަދު އަޒްހާން ގެއްލިގެން ރިޕޯޓްކޮށްފައިވަނީ ސެޕްޓެމްބަރ 19 ވަނަ ދުވަހުގެ ރޭގަނޑު 7 ޖަހާ އެހާކަންހާއިރުކަމަށެވެ.

އެންމެ ފަހުން އޭނާ ލައިގެން ހުރީ ޕީޗް ކުލައިގެ މާޖެހި އަތްކުރު ގަމީހެއް ކަމަށް ފުލުހުން ބުނެއެވެ. އަޒްހާން ގެއްލިގެން ފުލުހުން އާންމުންގެ އެހީތެރިކަމަށް އެދިފައިވަނީ ސެޕްޓެމްބަރ މަހުގެ 20 ވަނަ ދުވަހުއެވެ.

ޒުވާނާ އާ ބެހޭ އެއްވެސް މައުލޫމާތެއް އެނގޭނަމަ ހުޅުމާލެ ފޭސް ދޭއް ޕޮލިސް ސްޓޭޝަން ނަންބަރު 9393351 އަށް ގުޅުމަށް ފުލުހުން ވަނީ އެދިފައެވެ.