ރާއްޖޭގެ އެންމެ ފުރަތަމަ އޮޕަރޭޝަން ޑޮކްޓަރުންގެ ތެރޭގައި ހިމެނިވަޑައިގަންނަވާ ޑރ.ޢަބްދުﷲ ވަޙީދު އަވަހާރަވެއްޖެއެވެ.

ހެލްތު މިނިސްޓްރީގެ ސްޓޭޓް މިނިސްޓަރުކަންވެސް ކުރައްވާފައިވާ ޑރ.ޢަބްދުﷲ ވަޙީދު އަވަހާރަވެފައިވަނީ ނިއުމޯނިއާގެ އާލާސްކަންފުޅަކަށް އައިޖީއެމްއެޗުގައި ފަރުވާ ހޯއްދަވަނިކޮށް އަންގާރަ ދުވަހުގެ ހެނދުނެވެ. އަވަހާރަވީއިރު އުމުރުފުޅަކީ 65 އެވެ.

ހެލްތު މިނިސްޓްރީގެ ސްޓޭޓް މިނިސްޓަރުގެ މަޤާމުގެ އިތުރުން، ޑރ.ޢަބްދުﷲ ވަޙީދު ވަނީ އައިޖީއެމްއެޗް ހިންގެވުމުގައިވެސް ދުވަސްކޮޅަކު ޚިދުމަތްކުރައްވާފައެވެ. މީގެ އިތުރުން ޕޮލިސް އިންޓެރްގްރިޓީ ކޮމިޝަންގެ ރައީސްކަމާއި، ހެލްތު މިނިސްޓްރީގައި ޑިރެކްޓަ ޖެނެރަލް އޮފް ހެލްތު ސާވިސަސްގެ މަގާމު ހަ އަހަރުވަންދެން ޑރ.ޢަބްދުﷲ ވަޙީދު ފުރުއްވާފައިވެއެވެ.