އަވަށްޓެރި ފުލުހުންގެ ހަފްތާގެ ހަރަކާތްތައް ފަށައިފި
18 ސެޕްޓެމްބަރު 2022 | އާދީއްތަ 08:43މާލެ އާއި އަތޮޅުތަކުގައި “ވޯކް އެންޑް ޓޯކް” ނަމުގައި ހަރަކާތެއް ކުރިއަށް ގެންދިއުމަށްވަނީ ހަމަޖެހިފައި
އަވަށްޓެރި ފުލުހުންގެ ހަފްތާ ފާހަގަކުރުމުގެ ގޮތުން ބޭއްވި ހަރަކާތެއް
ދިވެހި ފުލުހުންގެ ޚިދުމަތުގެ ދުވަސް ފާހަގަކުރުމުގެ ގޮތުން ކުރިއަށްގެންދާ ހަރަކާތްތަކުގެ ތެރެއިން “އަވަށްޓެރި ފުލުހުންގެ ހަފްތާ” ގެ ހަރަކާތްތައް މާލެ ސިޓީއާއި އަތޮޅުތަކުގައި ފަށައިފިއެވެ.
އަވަށްޓެރި ފުލުހުންގެ ހަފްތާ ފެށުމުގެ ފުރަތަމަ ހަރަކާތުގެ ގޮތުން ވަނީ އާދިއްތަ ދުވަހުގެ ހެނދުނު މާލެ ސަރަހައްދުގައިވާ ސްކޫލުތަކާއި އަތޮޅުތަކުގެ އެކި ރަށްރަށުގައި ހުރި ސްކޫލުތަކުގެ އެސެމްބްލީގައި ފުލުހުން ބައިވެރިވެފައެވެ. އެގޮތުން މިއަދު ފުލުހުން ވަނީ އެސެމްބްލީގައި ބައިވެރިވެ “ސައިބަރ ސޭފްޓިއާއި ބުލީންގ” އާ ގުޅޭގޮތުން މަޢުލޫމާތު ދީފައެވެ.
މިހަރަކާތުގެ ތެރެއިންވަނީ މާލެ ސިޓީ ހިމެނޭ ސަރަހައްދުގެ 16 ސްކޫލެއްގެ 9290 ދަރިވަރުންނަށް މަޢުލޫމާތު ދީފައެވެ. އަދި އަތޮޅުތެރެއިން އެކި ސްކޫލްތަކުން ޖުމްލަ 20778 ދަރިވަރަކަށް މައުލޫމާތު ދީފައިވެއެވެ.
އަވައްޓެރި ފުލުުހުންގެ ހަފްތާގެ ހަރަކާތްތަކުގެ މާލެ އާއި އަތޮޅުތެރޭގައި ކުރިއަށް ގެންދިޔުމަށް މިހަފްތާގެ ތެރެއިން ގިނަ ހަރަކާތްތަކެއް ރޭވިފައިވާއިރު، އާދީއްތަ ދުވަހުގެ ހަވީރު މާލެ އާއި އަތޮޅުތަކުގައި “ވޯކް އެންޑް ޓޯކް” ނަމުގައި ހަރަކާތެއް ކުރިއަށް ގެންދިއުމަށްވަނީ ހަމަޖެހިފައެވެ.
މިހަރަކާތުގައި މާލޭގެ އެކި ސަރަހައްދުތަކުގައާއި އަތޮޅުތެރޭގެ މަގުތަކުގައި ފުލުހުން ހަރަކާތްތެރިވަމުންދާނެއެވެ. އަދި ފުލުހުންނާ ބައްދަލުކޮށް ވާހަކަ ހިއްސާކުރެވޭނެއެވެ.
އަވައްޓެރި ފުލުހުންގެ ހަފްތާގެ ހަރަކާތްތައް ސެޕްޓެމްބަރު 18 އިން 24 އަށް ކުރިއަށް ގެންދިއުމަށް ވަނީ ހަމަޖެހިފައެވެ.
އެގޮތުން މި މުއްދަތުގައި ކުރިއަށް ގެންދިއުމަށް ހަމަޖެހިފައިވާ ހަރަކާތްތްތަކުގެ ތެރޭގައި އެގޮތުން ގޭގެއަށް ޒިޔާރަތްކޮށް އާއިލާތަކާއި ބައްދަލުކުރުމާއި، ކޮމިޔުނިޓީ މީޓންތަކާއި، ލޭ ހަދިޔާކުމުގެ ކޭމްޕާއި، ހާއްސަ ފުޓްބޯޅަ މެޗެއް ކުޅުމާއި، ވިޒިޓިން ވަލްނަރަބަލް ޕޮޕިޔުލޭޝަނާއި، ގުރައިދޫއަށް ޒިޔާރަތްކުރުމާއި، ކޮމިޝަނަރު މީޓިންގް ޕެނަލާއި، އަވަށްޓެރި ފުލުހުން މީޑިޔާއާއި، އަ ޑޭ ވިތު ޕާޓްނާސްއާއި ޕްލާސްޓިކް ކްލީނިންގ އިވެންޓާއި، ޕާކުތަކަށް ޒިޔާރަތްކުރުމުގެ ހަރަކާތްތަކެއްގެ އިތުރުން އަވަށްޓެރި ފުލުުހުންގެ ހަވީރެއް ކުރިއަށް ގެންދާގޮތަށް ހަމަޖެހިފައިވެއެވެ.
