ރާއްޖެ
ސަބްމެރިންގެ ގޭސް ސިލިންޑަރުތަކެއް ގޮވުން
ސަބްމެރިންގެ ގޭސް ސިލިންޑަރުތަކެއް ގޮވައިފި
ވިލިމާލެ ބޭރުން ބާރު އަޑެއް ގޮވި ކަމަށް މާފަންނު ފުލުހުންނާއި އައިޖީއެމްއެޗްގައި ތިބޭ ސްޕެޝަލް ކޮންސްޓަބްލަރީ ފުލުހުން ރިޕޯޓުކޮށްފައިވޭ
އާއިޝަތު ޝިއުރާ, ރާއްޖެ އެމްވީ | 15 ސެޕްޓެމްބަރު 2022 | ބުރާސްފަތި 19:00
ވޭލް ސަބްމެރިން
ވިލިމާލެ ބޭރުގައި އަޅާފައި އޮންނަ ވޭލް ސަބްމެރިންގެ ގޭސް ސިލިންޑަރުތަކެއް ގޮވައިފިއެވެ.
އެކަމާއި ގުޅިގެން ފުލުހުން ބުނީ ބުރާސްފަތި ދުވަހުގެ ރޭ 21:10 ގައި ވިލިމާލެ ބޭރުން ބާރު އަޑެއް ގޮވި ކަމަށް މާފަންނު ފުލުހުންނާއި އައިޖީއެމްއެޗްގައި ތިބޭ ސްޕެޝަލް ކޮންސްޓަބްލަރީ ފުލުހުން ރިޕޯޓުކޮށްފައިވާ ކަމަށެވެ.
އެކަމާއި ގުޅިގެން ބެލިބެލުމުން އެ ދިމާލުން ބޭރުގައި އޮންނަ ވޭލް ސަބްމެރިންގެ ހަތަރު ސިލިންޑަރެއް ގޮވާފައިވާކަން އެނގުނުކަމަށެވެ.
އެ ހާދިސާއާ ގުޅޭ އިތުރު މައުލޫމާތެއް ފުލުހުން އަދި ހާމައެއް ނުކުރެއެވެ. ފުލުހުން އަންނަނީ އެތަނުގައި ހަރަކާތްތެރިވަމުންނެވެ.
