މަސްތުވާތަކެތީގެ ވަބާއިން ރާއްޖެ ސަލާމަތް ކުރުމަށް 10 ރަށެއްގައި ޚާއްސަ މަސައްކަތްތަކެއް އެބަ ކުރިއަށްދޭ: ސީޕީ
މަސްތުވާތަކެތީގެ މައްސަލަ އަކީ ރާއްޖެ އަށް ދިމާވެފައިވާ އެންމެ ބޮޑު މައްސަލަ - ސީޕީ
ވިއަވަތި ރާއްޖެ މަހާސިންތާގެ ތެރެއިން
މަސްތުވާތަކެތީގެ ވަބާއިން ރާއްޖެ ސަލާމަތް ކުރުމަށް 10 ރަށެއްގައި ޚާއްސަ މަސައްކަތް ތަކެއް ކުރިއަށްދާ ކަމަށް ކޮމިޝަނަރ އޮފް ޕޮލިސް މުހައްމަދު ހަމީދު (ސީޕީ ހަމީދު) ވިދާޅުވެއްޖެއެވެ.
"ވިޔަވަތި ރާއްޖެ" ކޮންފަރެންސްގައި "ރާއްޖެ އެމްވީ" އަށް ދެއްވި ބަސްތީގަތުމެއްގައި ސީޕީ ވަނީ ރާއްޖެ އަށް ދިމާވެފައިވާ އެންމެ ބޮޑު އެއް މައްސަލަ އަކީ މަސްތުވާތަކެތީގެ މައްސަލަކަމަށް ވިދަޅުވެފައެވެ. މަސްތުވާތަކެތީގެ މައްސަލަ ހުއްޓުވުމަށް މަސައްކަތްކުރަމުންދާ ރަށްރަށުގެ ތެރެއިން 5 ރަށަކީ މަސްތުވާތަކެތީގެ ވަބާ ވަރަށް ބޮޑަށް ފެތުރިފައިވާ ރަށްތައް ކަމަށާއި އެ ރަށްރަށުގައި ކުރިއަށް ދަނީ އެ މައްސަލަ ކޮންޓްރޯލްކުރުމަށް ފުލުހުން އެކި ގޮތްގޮތުން ކުރަމުންދާ މަސައްކަތް ކަމަށް ސީޕީ ވިދާޅުވިއެވެ. އަނެއް 5 ރަށަކީ މަސްތުވާތަކެތީގެ ވަބާ ފެތުރިދާނެ ކަމަށް ބެލެވޭ ރަށްތައް ކަމަށާއި އެ ތަންތަނުގައި އެ ވަބާ ފެތުރުނަ ނުދިނުމަށް ކަމާއި ބެހޭ ފަރާތްތަކާއި ގުޅިގެން ފުލުހުން މަސައްކަތްކުރަމުންދާނެ ކަމަށް ސީޕީ ހަމީދު ވިދާޅުވިއެވެ. އެހެންނަމަވެސް އެ ރަށްރަށަކީ ކޮބާކަން ފަހުން މީޑިއާގައި ހިއްސާކުރައްވާނެ ކަމަށް ވެސް ސީޕީ ވިދާޅުވިއެވެ. އަދި 2018 އިން ފެށިގެން ކުށް މަދު ކުރުމަށާއި، ކުށް ކުރާ ފަރާތްތައް އަނބުރާ މުޖުތަމައު އަށް ގެނައުމަށް އަވަށްޓެރި ފުލުހުންގެ މަސައްކަތް ވަރަށް ބާރަށް ކުރިއަށް ދާ ކަމަށް ކޮމިޝަނަރ އޮފް ޕޮލިސް ވިދާޅުވިއެވެ. އެގޮތުން މަސްތުވާތަކެތީގެ ވިޔަފާރި ކުރުން ހުއްޓުވުމަށާއި، މަސްތުވާތަކެތި ބޭނުން ކުރާ ފަރާތްތައް ރިހެބިލިޓޭޓް ކޮށް އެ ފަރާތްތައް އަނބުރާ މުޖުތަމައު އަށް ގެނައުމުގެ މަސައްކަތުގައި ފުލުހުންގެ ދައުރު ކުރިއަށް ވުރެ ފުޅާކުރުމަށް މަސައްކަތްތަކެއް ކުރަުންދާ ކަަމަށް ސީޕީ ފާހަގަކުރެއްވިއެވެ.
ފުލުހުންގެ ފަސް އަހަރުގެ އެކްޝަން ޕްލޭންގެ ދަށުން ރާއްޖޭގެ ބައެއް ސަރަހައްދުތަކުގައި 'ޑްރަގް ފްރީ އައިލެންޑް' ތަކެއް ގާއިމްކުރުމުގެ މަސައްކަތްކުރަމުން ދާއިރު މިވީ ދުވަސްކޮޅެއްގެ ތެރޭގައ އެ މަސައްކަތް ކާމިޔާބު ކަމާއި އެކު ހިންގި ރަށްރަށުގެ ތެރޭގައި ގެމަނަފުށި ހިމެނެއެވެ. އެ ކަމާއި ގުޅޭ ވީޑިއޯ ޑޮކިއުމެންޓްރީ އެއް ވިއަވަތި މަހާސިންތާގައި ވަނީ ހުށަހަޅާދީފައެެވެ. މި މަހާސިންތާގައި ރާވައިގެން ހިންގާ ގެންގު ކުށްތަކާއި ހަރުކަށި ފިކުރާއި ގުޅޭގޮތުން ވެސް މަޝްވަރާކުރުމަށް ވަނީ ހަމަޖެހިފައެވެ.
