ފުރަތަމަ ފަހަރަށް ސްވިއަޓެކް ޔޫއެސް އޯޕަން ކާމިޔާބުކޮށްފި

މިއަހަރުގެ ޔޫއެސް އޯޕަންގެ އަންހެން ސިންގަލްސްގެ ޓެނިސް ޗެމްޕިއަންކަން ފުރަތަމަ ފަހަރަށް ޕޮލެންޑުގެ އީގާ ސްވިއަޓެކް ހޯދައިފިއެވެ.

ދުނިޔޭގެ ރޭންކިންގެ އެއްވަނާގައި އޮތް ސްވިއަޓެކް އަންހެން ސިންގަލްސްގެ ޗެމްޕިއަންކަން ހޯދީ ފައިނަލްގައި ޓިއުނީޝިއާގެ އޮންސް ޖެބޯގެ މައްޗަށް ކުރި ހޯދައިގެންނެވެ.

ފައިނަލްގައި ސްވިއަޓެކް ވަނީ ސީދާ ދެ ސެޓުން ޖެބޯގެ މައްޗަށް ކުރި ހޯދާފައެވެ. މެޗުގެ ސެޓުތައް ސްވިއަޓެކް ކާމިޔާބުކުރީ 2-6 އަދި 6-7 އިންނެވެ.

މި ކާމިޔާބީއާއެކު ސްވިއަޓެކް ވެގެން ގޮސްފައިވަނީ 2013 ވަަނަ އަހަރުގެ ފަހުން އެއް އަހަރެއްގައި ފްރެންޗް އޯޕަން އަދި ޔޫއެސް އޯޕަން ކާމިޔާބުކުރި ފުރަތަމަ ޓެނިސް ކުޅުންތެރިޔާއެވެ. 2013 ވަނަ އަހަރު ސެރީނާ ވިލިއަމްސް ވަނީ ފްރެންޗް އޯޕަން އާއި ޔޫއެސް އޯޕަން ކާމިޔާބުކޮށްފައެވެ.

މިއީ ސްވިއަޓެކް ކާމިޔާބުކުރި ތިންވަނަ ގްރޭންޑް ސްލޭމް ޓްރޮފީއެވެ. އަދި މިއީ މިއަހަރުގެ ތެރޭގައި އޭނާ ކާމިޔާބުކުރި ތިން ވަނަ މޭޖަރ މުބާރާތެވެ. ޔޫއެސް އޯޕަންގެ އިތުރުން އޭނާ ވަނީ ނޯތު އެމެރިކާގައި އޮތް އިންޑިއަން ވެލްސް އާއި މިއާމީ ވެސް ކާމިޔާބުކޮށްފައެވެ.

ކާމިޔާބަށްފަހު ވާހަކަ ދައްކަމުން ސްވިއަޓެކް ބުނީ މިއީ ވަރަށް ބޮޑުު ޗެލެންޖިން މުބާރާތެއް ކަމަށެވެ. ނަމަވެސް ދިމާވި ކަންކަން ކަޑަތުކުރުމަށްފަހު ޔޫއެސް އޯޕަން ކާމިޔާބުކުރެވުނީތީ ވަރަށް އުފާވާ ކަމަށެވެ.