ގދ އަތޮޅު ކައުންސިލް އެތުލެޓިކްސް ޗެމްޕިއަންޝިޕަށް މޭޔަރު މުއިއްޒު ތިނަދޫއަށް
މުބާރާތުގައި 24 ޓީމެއް ވާދަކުރާނެ
މާލޭ ސިޓީ ކައުންސިލްގެ މޭޔަރު ޑރ. މުހައްމަދު މުއިއްޒު
އާދީއްތަ ދުވަހު ފަށާ ގދ އަތޮޅު ކައުންސިލް އެތުލެޓިކްސް ޗެމްޕިއަންޝިޕް މުބާރާތް ޝަރަފުވެރިކޮށްދެއްވުމަށް މާލޭ ސިޓީ ކައުންސިލްގެ މޭޔަރު ޑރ. މުޙައްމަދު މުއިއްޒު ތިނަދޫއަށް ވަޑައިގަންނަވައިފިއެވެ.
މުއިއްޒު ތިނަދޫއަށް ވަޑައިގެންނެވީ ހޮނިހިރު ދުވަހުއެވެ. މުބާރާތް ފަށާނީ އާދީއްތަ ދުވަހުގެ ހެނދުނުއެވެ. މުބާރާތް ހުޅުވުމުގެ ރަސްމިއްޔާތު އޮންނާނީ އާދީއްތަ ދުވަހުގެ ހަވީރު ތިނަދޫ ސްޓޭޑިއަމްގައެވެ.
މުޅި ރާއްޖޭގެ ހުރިހާ ސްކޫލްތަކަށް ހުޅުވާލައިގެން ކުރިއަށް ގެންދާ މި މުބާރާތުގައި 24 ޓީމެއް ވާދަކުރާނެއެވެ.
ގދ އަތޮޅު ކައުންސިލުން ކުރިއަށްގެންދާ މިމުބާރާތް އިންތިޒާމުކުރުމަށް ކައުންސިލުން ހަވާލުކޮށްފައިވަނީ ރައުހަތު ސްޕޯޓްސް ކްލަބާއެވެ. ކްލަބުގެ މެމްބަރުންނާއި މޯލްޑިވްސް އެތުލެޓިކްސް އެސޯސިއޭޝަނުން ހިމެނޭ ގޮތަށް މުބާރާތުގައި 35 އޮފިޝަލުން ހަރަކާތްތެރިވާނެއެވެ. މުބާރާތުގެ މީޑިއާ ޕާޓްނަރަކީ ރާއްޖެޓީވީއެވެ.
