މުބާރާތުގައި ބައިވެރިވާ ޓީމުތައް ތިނަދޫއަށް

މިއަންނަ އާދީއްތަ ދުވަހު ފަށާ ގދ އަތޮޅު ކައުންސިލް އެތުލެޓިކްސް ޗެމްޕިއަންޝިޕްގައި ބައިވެރިވާ ޓީމުތައް ތިނަދޫއަށް ދާން ފަށައިފިއެވެ.

މުބާރާތުގައި ވާދަކުރުމަށް މިހާތަނަށް ތިނަދޫއަށް ގޮސްފައިވަނީ ކޮލަމާފުށީގައި ހުންނަ ގއ އަތޮޅު މަދަރުސާގެ ޓީމާއި ފުވައްމުލަކުގެ ހާފިޒް އަހްމަދު ސްކޫލްގެ ޓީމެވެ. ގއ އަތޮޅު މަދަރުސާއިން މުބާރާތުގައި ބައިވެރިވުމަށް 51 އެތުލީޓުންނާއި 11 އޮފިޝަލުން ތިނަދޫއަށް ގޮސްފައިވެއެވެ. ހާފިޒް އަހުމަދު ސްކޫލުން މުބާރާތުގައި ވާދަކުރުމަށް ދިޔައީ 51 އެތުލީޓުންނާއި 10 އޮފިޝަލުންނެވެ. މީގެ އިތުރުން ރަތަފަންދޫ ސްކޫލުގެ ޓީމުވެސް މިހާރު ވަނީ ތިނަދޫއަށް ގޮސްފައެވެ.

މުޅި ރާއްޖޭގެ ހުރިހާ ސްކޫލަކަށް ހުޅުވާލައިގެން ކުރިއަށްގެންދާ މި މުބާރާތުގައި 24 ޓީމަކުން ވާދަކުރާނެއެވެ. މުބާރާތުގައި ބައިވެރިވުމަށް ތިނަދޫއަށްދާ ޓީމުތަކަށް އެރަށުން އަންނަނީ ވަރަށް ފުރިހަމަ މެހެމާންދާރީއެއް އަދާކުރަމުންނެވެ.

ގދ އަތޮޅު ކައުންސިލުން ކުރިއަށްގެންދާ މިމުބާރާތް އިންތިޒާމުކުރުމަށް ކައުންސިލުން ހަވާލުކޮށްފައިވަނީ ރައުހަތު ސްޕޯޓްސް ކްލަބާއެވެ. މުބާރާތުގެ މީޑިއާ ޕާޓްނަރަކީ ރާއްޖެޓީވީއެވެ.